कुँवर सिंह

टेम्पलेट:Infobox royalty कुंवर सिंह (13 नवंबर 1777 — 26 अप्रैल 1858) ब्रिटिश भारत में बिहार के जगदीशपुर राज के राजा (जमींदार) आ 1857 के बिद्रोह के एगो नेता रहलन। जगदीशपुर वर्तमान में बिहार राज्य के भोजपुर जिला में पड़े ला।

80 बरिस के उमिर में कुँवर सिंह ब्रिटिश ईस्ट इंडिया कंपनी के खिलाफ सेना एकट्ठा कइलें आ लड़ाई लड़लें। बिहार आ सटल पूर्वांचल के भोजपुरी क्षेत्र में ई 1857 के बिद्रोह के अगुआई करे खातिर जानल जालें आ इनके वीर कुँवर सिंह आ बाबू कुँवर सिंह के नाँव से जानल जाला।

सुरुआती जिनगी

कुंवर सिंह के जनम 13 नवंबर 1977 के भइल। इनके पिताजी महाराजा साहेबजादा सिंह रहलें आ महतारी रानी पंचरतन देवी रहली। इनके खानदान उज्जैनिया राजपूत खानदान रहल।

इनके पिताजी 1826 में गुजर गइलें आ एकरे बाद कुँवर सिंह जगदीशपुर के तालुकेदार बनलें। राज के जमींदारी में कुछ हिस्सा इनके भाई लोगन के भी मिलल बाकी एकरा चलते बिबाद पैदा भ गइल। बिबाद दूर होखे के बाद संबंध में सुधार भइल। इनकर बियाह गया जिला के सिसोदिया राजपूत खानदान के धनी-मानी जमींदार राजा फतेह नारायण सिंह के बिटिया से भइल।

एगो अंग्रेज अफसर के विबरण अनुसार कुंवर सिंह "लमहर आदमी रहलें, लगभग छह फीट ऊँचाई वाला" आ इनके चौड़ा चेहरा आ सुतवाँ नाक रहल; शिकारी रहलें आ घुड़सवारी इनका के पसंद रहल।

टेम्पलेट:Clear