मिशन इंद्रधनुष
मिशन इन्द्रधनुष भारत सरकार के महिला अउरी बाल विकास विभाग के संचालित एगो योजना बाटे जेवना के पहिला चरण के सुरुआत बिस्व स्वास्थ्य दिवस की अवसार पर 7 अप्रैल 2015 के भइल। ई योजना (मिशन) 25 दिसंबर 2014 के लांच कइल गइल रहे।[१][२] एकर मुख्य उद्देश्य बाटे हाई रिस्क एरिया, गंदी बस्ती, भट्ठा नियर अइसन इलाका में जहाँ बेमारी के खतरा बहुत होखे 0 से 2 बरिस की लड़िका-बच्चन के सात गो बेमारिन से बचाव खातिर टीका लगावल। ई सात गो बेमारी बा - डिप्थीरिया, कुकुर खाँसी, टेटनस, पोलियो, टीबी, मीसल्स आ हेपेटाइटिस बी।
इन्द्रधनुष में सात गो रंग होला जेवना के चीन्हा की रूप में चुनल गइल बा कि केहू की जिनगी में बेमारिन के करिया रंग न आवे आ सभकर जिनगी इन्द्रधनुष नियर बनल रहे। ए मिशन के भारत की 201 जिला सभ में शुरू कइल गइल बाटे आ 2020 ले एकर लक्ष्य पूरा कइल जाई।
टारगेट एरिया
ए मिशन की लागू करे खातिर भारत सरकार 201 गो अइसन जिला सभ के चुनाव कइले बाटे जहाँ टीकाकरण के रफ़्तार कम चिन्हित कइल गइल बाटे।