लोटनी

भारतीय लोटनी

दाक्खिन अफरिका के केप लोटनी

लोटनी चाहे ओटनी (टेम्पलेट:Lang-en; स्किंक) बिछकुतिया के परजाति के जीव होखेले। भारतीय जंतु बिज्ञान सर्वेक्षण के एगो रपट के मोताबिक भारत में ओटनी के कुल 62 गो प्रजाति पावल जालीं।

बरनन

लोटनी एगो अईसन बिछकुतिया होले जेकर गोड़ छोट होला आ देहि लाम होला, कोनो कोनो परकार के लोटनी के गोड़ नाहीयो होखेला। लोटनी सभ के नेटी ना होखे बाकिर केहू केहू मे होबो करेला आ केहू केहू के बड़ ओ गोड़ होला। कोनो कोनो परजाती के लाम पोंछियो होला जेकरा सिकारि सभ से बाचे ला ई आपन देहि से अलगा कऽ दिहेले। पोंछी छोड़ला के तीन चारि मास बाद नवका पोंछी जाम जाला।

लोटनी के कवनो कवनो परजाती सात सेंटीमीटर जेतना छोट होखेलिसन जेमे आधवा पोंछी होखेला। सोलोमोन टापु के लोटनी सभ से लाम होले आ एकर लमाई पनरह इंची ले होला।

कोनो कोनो लोटनी के खून हरियर होखेला।

इतिहास

लोटनी के अंगरेजी मे स्किंक कहल जाला, जेवन कि यूनानी के सिंकोस आ लैटिन के सिंकस से 1580-90 मे अंगरेजी भासा मे आइल।

चाल चलन

दुगो लोटनी संभोग करत

लोटनी भूञ के नीचे बेसी रहेले, बाकिर कबो कबो बहरो आवेले।

आहार

बेसी लोटनी माँसाहारी होले आ पिलुआ खाले। ई मुख रूप से माछी, झींगुर, टिड्डा, बीटल, घोंघा आ जोंकी खाले। कोनो कोनो परजाती सबाहारियो होखेला।

जनन

भले बेसी लोटनी अंडा देवेले बाकिर 45 % अंडा ना देवेले आ सीधे बच्चा जन्मेले।