शुक्रवार के संपादन कइल जा रहल बा

[[File:Venus-real color.jpg|thumb|125px|right|alt=शुक्र ग्रह के फोटो|कई सारा संस्कृति सभ में ई दिन [[शुक्र]] ग्रह के साथे जोड़ल जाला]]
'''शुक''' भा '''शुक्रवार''' [[सप्ताह]] के सात दिन में से एगो दिन हवे जे बियफे के बाद आ शनीचर से पहिले पड़े ला। जवना देस सभ में सोमार के हप्ता के पहिला दिन मानल जाला, ई पाँचवाँ दिन हवे; जहाँ अतवार के पहिला दिन मानल जाला उहाँ ई छठवाँ दिन हवे।

==नाँव==
[[भोजपुरी]] नाँव शुक या सुक, [[संस्कृत]] में शुक्रवार के छोट रूप हवे। भारतीय आ नेपाली हिसाब से एह दिन के [[शुक्र]] ग्रह के आधार पर नाँव रखल गइल हवे।

अंगरेजी में एकरा के ''फ्राइडे'' (Friday) कहल जाला। ई शब्द पुरान अंगरेजी भाषा के Frīġedæġ से निकलल हवे जेकर अरथ होला Frigg के दिन। अंगरेजी में Frigg के अरथ देवी वीनस से लिहल जाला; इनही वीनस के नाँव पर अंगरेजी में शुक्र ग्रह के भी नाँव रखल गइल हवे।

==धार्मिक सांस्कृतिक==
[[हिंदू धरम]] में ई देवी के पूजा के दिन मानल गइल हवे आ [[दुर्गा]] आ [[लक्ष्मी]] के पूजा एह दिन के कइल जाला।

इस्लाम में शुक के जुमा या जुम्मा के रूप में मनावल जाला आ एह दिन के नमाज के ख़ास महत्व हवे। इस्लाम माने वाला देसन में ई छुट्टी के दिन होला, जइसे ईसाई धरम वाला देसन में या अंगरेजी राज के अधीन रहल देसन में अतवार के छुट्टी मनावल जाला ओही तरे।

ईसाई धर्म में ईस्टर के तिहवार से पहिले वाला शुक के ईसा मसीह के सूली पर चढ़ावे के इयाद में गुड फ्राइडे के रूप में मनावल जाला।

[[श्रेणी:सप्ताह]]
[[श्रेणी:दिन]]