गुरुचि के संपादन कइल जा रहल बा

{{speciesbox
|image = Tinospora cordifolia.jpg
|genus = Tinospora
|species = cordifolia
|authority = (Thunb.) Miers
}}
'''गुरुचि''', '''गुरुची''', चाहे '''गिलोय''' (बैज्ञा. नाँव: ''टीनोस्पोरा कार्डीफोलिया'') एगो लता हवे जेकर पतई [[पान]] के पत्ता नियर होला। ई लता [[भारतीय उपमहादीप]] के [[उष्णकटिबंध|गरम इलाका]] सभ में पावल जाले। परंपरागत रूप से आ [[आयुर्वेद]] में एकर इस्तेमाल कई गो बेमारी ठीक करे खातिर दवाई के रूप में होला।<ref name="Banik2020">{{cite book|author=Bimal K. Banik|title=Green Approaches in Medicinal Chemistry for Sustainable Drug Design|url=https://books.google.com/books?id=M8vYDwAAQBAJ&pg=PA762|date=April 2020|publisher=Elsevier|isbn=978-0-12-817592-7|pages=762–}}</ref> आम इस्तेमाल एकरे डाँटी के काढ़ा बनावल हवे। आयुर्वेद में एकर स्वरस, सत्व, चूर्ण आ घनबटी के रूप में इस्तेमाल होला। आमतौर पर जर-बोखार के दवाई मानल जाला बाकी एकरे अलावा अउरी कई किसिम के बेमारी के इलाज भा रोकथाम में इस्तेमाल होखे ले।

ई लता, आमतौर पर जंगल में से ले के सड़क किनारे, खेत आ बगइचा सभ के डाँड़-मेड़ पर पेड़ सभ के ऊपर चढ़ के पसर जाले। जइसे [[बरगद]] के फेड़ में बरोह निकसे ला ओही तरे एहू के बरोह निकले ला आ नया पौधा बन जाला। एकर फर लाल रंग के होलें आ अंगूर नियर झोंपा में फरे लें जिन्हना के कौनो जानवर भा चिरई ना खालें।

== नाँव ==
ई मूल रूप से [[भारत]] आ [[भारतीय उपमहादीप|आसपास]] के पौधा हवे। भारत के लगभग सगरी भाषा सभ में एकर कुछ न कुछ नाँव मिले ला।

[[संस्कृत]] में, जेह में आयुर्वेद के कई ठो ग्रंथ सभ में एकर जिकिर आ बिबरन मिले ला, एकर कई गो नाँव मिले लें; कुछ प्रमुख नाँव - अमृता, अमृतलता, अमृतवल्ली, छिन्नोद्भवा आ गुडूची बाड़ें। [[हिंदी भाषा]] में एकर नाँव गिलोय परसिद्ध बाटे; एकरे अलावा गुरुच, गुडूची अउरी नाँव हवे। मराठी में एकरा के गुडूची आ गुळवेल कहल जाला। पंजाबी में गल्लो; तेलुगु में टिप्पा-तीगा आ तमिल भाषा में शिंदीलाकोडी कहल जाला।

भारत से बाहर, [[नेपाल|नैपाल]] में एकरा के गुर्जो, आ [[श्री लंका|लंका]] में सिंहली भाषा में रसकिंदा के नाँव से जानल जाला।


{{clear}}
== गैलरी ==
<gallery mode="packed" height="200px">
Tinospora cordifolia stem.jpg|डाँठ भा डाँटी
Tinospora cordifolia leaves.jpg|पतई
Ningthou khongli (in Manipuri) (5552396011).jpg|फूल
Tinospora cordifolia fruits 07.JPG|काँच फर
Tinospora cordifolia fruits.jpg|पाकल फर
</gallery>

== संदर्भ ==
{{Reflist|33em}}

{{जड़ीबूटी}}
{{Taxonbar|from=Q3595912}}

[[श्रेणी:जड़ीबूटी]]
[[श्रेणी:आयुर्वेद में इस्तेमाल होखे वाला पौधा]]

{{plant-stub}}