महान हिमालय के संपादन कइल जा रहल बा

'''महान हिमालय''' चाहे '''हिमाद्रि''', [[हिमालय]] के पूरुब-पच्छिम बिस्तार वाली तीन गो समानांतर श्रेणी सभ में सभसे उत्तरी आ सभसे ऊँच परबत श्रेणी हवे।<ref name="britannica" /> ई [[पाकिस्तान]] से सुरू हो के भारत, [[नेपाल]], [[भूटान]] आ [[सिक्किम]] होखत [[अरुणाचल प्रदेश]] ले बिस्तार लिहले बा आ उत्तर में [[तिब्बत के पठार]] के साथे-साथ चले लाl ई आर्च के आकृति में, पच्छिम में नंगा परबत के लगे [[सिंधु नदी]] के गॉर्ज से ले के पूरुब में नामचा बरवा में [[ब्रहमपुत्र नदी]] के गॉर्ज ले फइलल बा। एकर कुल लंबाई, पूरुब से पच्छिम के लगभग {{convert|2500|km|mi}} बाटे आ औसत ऊँचाई {{convert|6100|m|ft}} बाटे।<ref name="britannica">{{cite web |title=Great Himalayas {{!}} mountain range, Asia {{!}} Britannica |url=https://www.britannica.com/place/Great-Himalayas |website=www.britannica.com |publisher=[[ब्रिटैनिका एन्साइक्लोपीडिया]] |access-date=26 मार्च 2022 |language=en |url-status=live}}</ref>

दुनियाँ के सभसे ऊँच परबत चोटी [[माउंट एवरेस्ट]] एही महान हिमालय के हिस्सा हवे; एकरे अलावा कुछ अउरी प्रमुख चोटी सभ में [[कंचनजंघा]], [[अन्नपूर्णा I (मुख्य)|अन्नपूर्णा]], [[ल्होत्से]] आ [[नंगा परबत]] प्रमुख बाड़ीं। एह परबत श्रेणी के सभसे ऊपरी हिस्सा सालों भर बरफ से तोपाइल रहे ला आ बिस्व के कुछ बहुत बिसाल [[ग्लेशियर]] एह श्रेणी के हिस्सा हवें जइसे की [[गंगोत्री हिमानी|गंगोत्री ग्लेशियर]] आ [[सतोपनाथ हिमानी|सतोपनाथ ग्लेशियर]]। एह ग्लेशियर सभ से कई गो सदाबाहिनी नदी निकलें लीं जबकि कई गो नदी अइसनो बाड़ीं जे हिमालय से पहिले के हईं आ एह बिसाल श्रेणी के काट के बहे लीं आ बहुते गहिरा [[गॉर्ज]] बनावे लीं।

महान हिमालय श्रेणी के दक्खिन में मौजूद, हिमालय के कुछ कम ऊँचाई वाली समानांतर श्रेणी [[मध्य हिमालय]] भा लघु हिमालय बा आ इनहन के बीचा में मेन सेंट्रल थ्रस्ट (एमसीटी-MCT) सीमा बनावे ला। एकरे उत्तर में, एकरे समानांतर चले वाली श्रेणी सभ के [[ट्रांस हिमालय]] कहल जाला आ महान हिमालय आ ट्रांस-हिमालय के बीचा में इंडस-त्सांगपो शटर ज़ोन (आइटीएसज़ेड-ITSZ) नाँव के [[भ्रंश]] पावल जाला। महान हिमालय के चौड़ाई पच्छिम में बेसी बाटे हालाँकि ई नेपाल में बहुत कम हो जाला आ मध्य हिमालय लगभग एकरा साथे जुड़ जाला। महान हिमालय के औसत चौड़ाई (उत्तर-दक्खिन के) लगभग 10-15 किमी. बतावल जाला आ ई प्री-कैंब्रियन आ सेनोजोइक चट्टानन से बनल हवे।<ref name="Roy2014">{{cite journal |last1=रॉय |first1=ए. बी. |title=Indian Subcontinent |url=https://www.sciencedirect.com/science/article/pii/B9780124095489093726 |journal=Reference Module in Earth Systems and Environmental Sciences |date=1 जनवरी 2014 |pages=285-296 |doi= 10.1016/B978-0-12-409548-9.09372-6 |access-date=26 मार्च 2022 |trans-title=भारतीय उपमहादीप |language=en}}</ref>

राजनीतिक हिसाब से ई परबत श्रेणी पाकिस्तान, भारत, चीन (तिब्बत), नेपाल, आ भूटान देसन में पड़े ला।

महान हिमालय आ हिमाद्रि के अलावा एकरा के अंग्रेजी में ''ग्रेट हिमालय'' भा ''ग्रेटर हिमालय'' (Great Himalayas) चाहे ''हायर हिमालया'' (Higher Himalayas) कहल जाला।

{{clear}}
== इहो देखल जाय ==
* [[ट्रांस हिमालय]]
* [[मध्य हिमालय]]
* [[शिवालिक]]

== संदर्भ ==
{{Reflist|33em}}

[[श्रेणी:हिमालय]]
[[श्रेणी:हिमालय के परबत श्रेणी]]

{{Nepal-geo-stub}}
{{India-geo-stub}}