वैशाली के संपादन कइल जा रहल बा

'''वैशाली''', आज्काल्ह के भारतीय राज्य [[बिहार]] में, प्राचीन काल में एगो शहर रहे; अब ई आर्कियोलॉजिकल साइट बाटे जे [[बसाढ़]] नाँव के गाँव के लगे बा। वर्तमान में ई [[तिरहुत प्रमंडल]] के [[वैशाली जिला]] में बा; जिला के नाँव एही प्राचीन नगरी के नाँव पर रखल गइल हवे।

ई प्राचीन नगरी, [[बज्जि महाजनपद]] के [[लिच्छवि लोग]] आ अउरी कुछ क्षेत्र सभ के मिला के बनल [[बज्जि गणराज्य]] के राजधानी रहल। बज्जि गणराज्य के दुनियाँ के पहिला गणराज्य ([[रिपब्लिक]]) सभ में गिनल जाला जे छठईं सदी ईसापूर्व में रहे। [[गौतम बुद्ध]] एही वैशाली में आपन अंतिम धर्मोपदेस ल.&nbsp;483&nbsp;ईपू. में दिहलें आ एकरे सौ साल बाद 383&nbsp;ईपू में एही जे राजा [[कालाशोक]] के बोलावे पर दुसरही बौद्ध संगीति भइल, [[जैन धर्म|जैन लोगन]] के मत के हिसाब से एही वैशाली नगरी के लगे कुंडग्राम नाँव के जगह पर अंतिम तीर्थंकर [[महावीर|महावीर स्वामी]] के जनम भइल रहे; एह तरीका से ई नगरी [[बौद्ध धर्म|बौद्ध]] आ [[जैन धर्म|जैन]] दुनों धरम के लोगन खातिर महत्व के जगह रहे। आज के समय में एहिजा [[अशोक स्तंभ|अशोक के खम्हा]] सब में सभसे बेहतर स्थिती में सुरक्षित बचल सिंह के मुकुट वाला खम्हा बाटे।

वैशाली के सभसे पुरान स्तूप वाला जगह के रूप में भी जानल जाला, एहिजे एगो स्तूप बा जहाँ बुद्ध के अस्थि रखल मानल जाला।

एह प्राचीन शहर के इतिहासी बिबरन चीनी यात्री [[फाहियान]] (4थी सदी) आ [[ह्वेन सांग]] (7वीं सदी) के लिखल चीजन में मिले ला जिनहन के इस्तेमाल से 1861 में ब्रिटिश आर्कियोलॉजिस्ट [[अलेक्जेंडर कनिंघम]] एह वर्तमान जगह के पहिचान कइलें।

{{clear}}
[[श्रेणी:वैशाली जिला]]
[[श्रेणी:बिहार के पर्यटक आकर्षण]]
[[श्रेणी:प्राचीन भारत के शहर]]

{{india-hist-stub}}