शताब्दी एक्सप्रेस के संपादन कइल जा रहल बा

[[File:Indian Railways Rajdhani Shatabdi Lines.gif|thumb|265px|शताब्दी ट्रेनों के मार्ग नक्शा]]

'''शताब्दी एक्सप्रेस''' रेलगाड़ी तेज चले वाली सवारी गाड़ीन क एगो शृंखला ह, जेकर परिचालन भारतीय रेल करेले, और इ  भारत की बड़, महत्वपूर्ण एवं व्यवसायिक शहरन के आपस में जोड़ेले। शताब्दी एक्सप्रेस क परिचालन दिन की समय होला एवं इ अपनी मूलस्थान पर ओही दिने लौट आवेले जौने दिन इ चलेले।

राजधानी एवं दुरन्तो की साथ शताब्दी देश की सबसे तेज चले वाली गाड़ी में से एगो ह और इ राजधानी की तरह रेलवे की खातिर एगो अति महत्वपूर्ण गाड़ी ह। राजधानी एक्सप्रेस की बाद शताब्दी के दूसरा नंबर क विशेष प्राथमिकता दिहल गईल बा।

==इतिहास==

शताब्दी एक्सप्रेस 1988 में [[भारत]] की पहिला प्रधानमंत्री श्री जवाहर लाल नेहरू की जन्म शताब्दी की उपलक्ष्य मे शुरू कइल गईल। शताब्दी एक्सप्रेस तत्कालीन रेल मंत्री श्री माधवराव सिंधिया की सोच क नतीजा रहल। पहिला शताब्दी एक्सप्रेस के  [[नई दिल्ली]] से झांसी की बीच शुरु कइल गईल रहे जेके बाद मे बढा के  भोपाल  ले करा गईल। अब गाडी़ के [[भोपाल]] शताब्दी एक्सप्रेस की नांव से जानल जाला। 

==वाहन और रोलिंग स्टॉक==

भोपाल शताब्दी भारत में दूसर सबसे तेज चले वाली गाड़ी ह और इ मूल और गंतव्य स्थान की बीच 84 किमी / घंटा (52 मील प्रति घंटा) की औसत गति से चलेले, हालांकि इ आगरा और नई दिल्ली स्टेशन<ref>{{cite web|url=http://indiarailinfo.com/station/map/new-delhi-ndls-indianrail-indian-railway-irctc-enquiry/664 |title=नई दिल्ली रेलवे स्टेशन का नक्शा |publisher=इंडियारेलइन्फो.कॉम |date=|accessdate=4 अक्टूबर 2016}}</ref> की बीच कुछ हिस्सन में 150 किमी / घंटा (93 मील प्रति घंटा) गति पर चलेले। अब ए गाड़ीन में नवीनतम एलएचबी डिब्बन क उपयोग कइल जाता ताकि यात्री लोगन के अतिरिक्त सुविधा मिल सके।

सिकंदराबाद-पुणे शताब्दी डीजल से चले वाली सबसे तेजी शताब्दी ह।

70.58 किलोमीटर प्रति घंटा की औसत गति से चलेले।

==सेवाएँ==

शताब्दी दुगो स्टेशन की बीच सबसे तेज गति से आपन सफर तय करेले और मार्ग मे एकर रुके वाला स्टेशन क संख्या भी बहुत कम होला।

पूरी तरह से वातानुकूलित गाड़ी ह और अन्य भारतीय रेल डिब्बन की तुलना में एकर स्तर अधिक ऊँच बा। शताब्दी एक्सप्रेस मे यात्री लोगन के नाश्ता/ भोजन, कॉफी / चाय, फल का रस आदि परोसल जाला, साथ में पानी क बोतलो मिलेला।

शताब्दी गाड़ी के उतरले चढलहु की सुविधा की मामला में अन्य गाड़ीन की ऊपर तरजीह मिलेला, ज्यादातर स्टेशन पर इ गाड़ी प्लेटफार्म नंबर 1 पर रुकेले जहाँ से स्टेशन क इमारत चाहें प्रतीक्षालय नजदीक होला। एमें बिना रिजर्वेशन वाला सामान्य कोच नाहीं होला।<ref>{{cite web|url=https://www.cleartrip.com/trains/12010 |title=शताब्दी एक्सप्रेस मार्ग |publisher=क्लियरट्रिप.कॉम |date=|accessdate=4 अक्टूबर 2016}}</ref>
 
इ गाड़ी ओही दिनें जाके अपनी गंतव्य स्थान लौट आवेले जौने दिन इ चलेले, ओही से एमें खाली बैठले क इन्तेजाम होला, सुते खातिर बर्थ नाहीं होला, हालांकि बैठे वाला सीट काफी आरामदायक और पैर रखले की पर्याप्त जगह की साथ होला।

अब इ गाडी में से कुछ में मनोरंजन क सुविधा उपलब्ध करावल जाता, जहाँ सीटे प अदमी सेटेलाइट की मदद से टीवी सीरियल और फिल्म देख सकेला। ऐसन पहिला सर्विस अहमदाबाद शताब्दी एक्सप्रेस में शुरू कराईल बा।<ref>{{cite web|url=http://erail.in/12010-shatabdi-exp/route |title=अहमदाबाद से मुंबई के लिए शताब्दी एक्सप्रेस |publisher=इरेल.इन |date=|accessdate=4 अक्टूबर 2016}}</ref>

==संदर्भ==

<references />

==बाहरी कड़ियाँ==

{{commons category}}
* [http://searchmytrain.com/list-of/shatabdi-trains/ शताब्दी ट्रेनों की पूरी सूची भारतीय रेल द्वारा संचालित]
* [http://www.indianrail.gov.in/shatabdi_trn_list.html शताब्दी एक्सप्रेस ट्रेनों की पूरी सूची]
* [http://etrain.info/in?PAGE=LIST--SHT-TRAINS--1 सभी शताब्दी एक्सप्रेस ट्रेनों की सूची]
*{{cite web|url=http://articles.timesofindia.indiatimes.com/2013-06-09/india/39849234_1_domestic-travellers-shatabdi-express-indian-railways|title='शताब्दी भारतीय रेल का दिल है' - टाइम्स ऑफ इंडिया|publisher=आर्टिकल्स.टाइम्सऑफ़इंडिया.इंडियाटाइम्स.कॉम|accessdate=30 मई 2014}}
*{{cite web|url=http://articles.timesofindia.indiatimes.com/2013-01-11/chandigarh/36278935_1_shatabdi-express-chair-car-halts|title=नहीं रुकती है, नई शताब्दी एक्सप्रेस दिल्ली के लिए उड़ान भरने के लिए - टाइम्स ऑफ इंडिया|publisher=आर्टिकल्स.टाइम्सऑफ़इंडिया.इंडियाटाइम्स.कॉम|accessdate=30 मई 2014}}

[[श्रेणी:भारतीय रेल के गाड़ी]]