संगम के संपादन कइल जा रहल बा

{{For2|[[इलाहाबाद]] में [[गंगा]] आ [[यमुना]] के संगम खातिर|त्रिवेणी संगम|अन्य अरथ|[[संगम (बहुअर्थी)]]}}
[[Image:Bhagirathi and Alaknanda Confluence.jpg|thumb|[[देवप्रयाग]] में [[भागीरथी]] आ [[अलकनंदा]] नादिन के संगम। अलकनंदा के धारा में गाद-माटी देखात बाटे।]]
'''संगम''' ({{Lang-en|Confluence}} चाहे ''conflux'') [[भूगोल]] में दू गो [[नदी]] के मिले के जगह के कहल जाला।<ref>{{cite web|url=http://www.merriam-webster.com/dictionary/conflux|title=Conflux - Definition of conflux by Merriam-Webster|work=merriam-webster.com}}</ref> अक्सर दू गो नदी के मिलन के अस्थान पर कौनों मुख्य नदी में ओकर सहायिका नदी आ के मिले ले। हालाँकि, कबो कबो ई तय कइल मुश्किल होला कि कवन मुख्य नदी हवे आ कबो-कबो परंपरा अनुसार इनहन में से एगो के मुख्य नदी मान लिहल जाला जबकि भूगोल के हिसाब से पानी के मात्रा अनुसार ऊ सहायिका नदी भी हो सके ले।

कई बेर, संगम के अस्थान पर दू गो नदी मिलें आ दुनों के महत्व बराबर होखे तब मिलन के बाद उनहन के नाँव बदल जाला आ आगे बहे वाली नदी के नाया नाँव पड़ जाला। परसिद्ध उदाहरण दजला आ फरात नदी के संगम बा जहाँ के बाद इनहन के नाँव शत-अल-अरब हो जाला, मनोंगहेला आ अलेघनी नदी के संगम पिट्सबर्ग में होला जहाँ के बाद इनहन के नाँव [[ओहायो नदी]] हो जाला, आ बांग्लादेस में जहाँ गंगा के मुख्य धारा पद्मा आ ब्रह्मपुत्र नदी के मिलन होला ओकरे बाद इनहन के नाँव जमुना हो जाला।

भारत में, एकरा के कुछ जगह पऽ '''प्रयागो''' कहल जाला आ [[उत्तराखंड]] में [[देवप्रयाग]], [[कर्णप्रयाग]], [[रुद्रप्रयाग]] आ [[बिष्णुप्रयाग]] अइसने जगह हवे जहाँ दू गो नदी के मिलला से जगह के नाँव प्रयाग पड़ गइल हवे। भारत में सभसे प्रसिद्ध [[इलाहाबाद]] के [[गंगा]] आ [[यमुना]] नदी के संगम बाटे आ अक्सर संगम भा प्रयाग के अर्थ [[इलाहाबाद]] के [[त्रिवेणी संगम]] से होला।

{{clear}}
==इहो देखल जाय==
{{commonscat|Confluences}}

* [[इलाहाबाद में संगम]]
* [[नदी मुहाना]]

==संदर्भ==
{{Reflist}}

[[श्रेणी:भौतिक भूगोल]]
[[श्रेणी:नदी]]
[[श्रेणी:भूआकृति बिज्ञान]]


{{geo-term-stub}}