क्रेयोन शिनचैन (खंड) के संपादन कइल जात बा

==परिचय==

[[File:Tobu Crayon Shin-Chan train 2016-12-18.jpg|thumb|जापान के एगो रेलगाड़ी जेपे क्रेयोन शिनचैन बनल बा]]

एकर असल मे ढेर सभ मजाक चाहे चुटकुला अईसन बा जेमे सही भासा के परजोग नइखे कइल गइल। एहिसे अईसन लोग जे जापानी ना जाने उ लोग एकर मजाक के बुझ ना पावेला। कोनो कोनो के तऽ दोसर भासा मे अनुवादो ना कईल जा सके। कुछो निश्चित वाक्य चाहे कहाउत लगभग हरमेशा कुछो काम के संगे होला; एमे से कए गो वाक्य सभ के निश्चित जबाब होला। एकरे चलते अईसन देखे के मिलेला जे शिनचैन कए बेरा आपन माई बाबू के लगे ओह घड़ी के हिसाब से गलती वाक्य के परजोग करेला; जइसे की; जब शिनचैन घरे आवेला तऽ "Welcome Back" (भोजपुरी: स्वागत बा; जापानी: おかえりなさい; "okaeri nasai") बोलेला; बलुक ओकरा "I am home" (भोजपुरी: हम घरे आ गइनी; जापानी: "ただいま" "Tadaima") बोले के चाहीं। अनुबाद करे मे एगो अउरी परेसानी ओनोमेटोपोइक (अईसन शब्द जेकर उच्चारन ओकर माने बतावेला; जइसे घड़ी के आवाज खाती टिक टिक शब्द) जापानी शब्दन के उपजोग से जनमेला। 

कुछू अउर हसे वाला बात जे श्रृंखला मे दोहरावल जाला, ऊ सभ अधिक सार्वभौमिक (सभ जगहा एके लेखा) गुन के होला, जइसे अईसन काम सभ जेकरा से लोग हसे (जैसे चॉपस्टिक से बरफ खाइल) चाहे, लइका होला के बादो, सेयान लेखा बोलल। बाकिर तबो, बहुते सभ चिझ के बुझ के सराहे ला जापानी संस्कृति आ/चाहे भासा के समझ होखे के चाहीं; जइसे की, शिनचैन के "मिस्टर एलीफैंट", भले इ बुझा जाला बाकिर, एकर संबंध एगो लइकन सभ के जापानी गीत "ज़ो-सान" (ぞ さ さ ん) से बा। शिनचैन हमेसा अपना से बड़ सुन्नर लइकी सभ के देख के पगला जाला, आ एकरा मे बेसी हसि तब आवेला जब शिनचैन छोट लइका लेखा ई लोग के लोभावे के कोसिस करेला, जइसे कि ऊ लोग से पूछ के (खराब ढंग से) "का तोहरा शिमला मिर्च पसन बा?" (ー き マ ー 好 ー?)। शिनचैन अपना से बड़ लोग से नीमन से ना बतियावे, जइसे की, खिसियाह लोग से पूछ के की "पुलिस लगे तू कतना बेरा गइल बाड़ऽ?" चाहे बुढ़ लोग से पूछ के की "तू कय बरिस के बाड़ऽ?"।

[[श्रेणी:जापानी मांगा]]