पर्यावरण (खंड) के संपादन कइल जात बा

==इकोलॉजी==
[[File:Zonobiome.png|thumb|right|225px|दुनिया के अलग-अलग इलाका में अलग-अलग तरह के [[बायोम]] पावल जाला|alt=दुनिया के कई रंग से बनल नक्सा जेह में अलग अलग रंग से बायोम देखावल बा]]
{{Main|इकोलॉजी|इकोसिस्टम}}

[[इकोलॉजी]] में जीव सभ आ उनहन के पर्यावरण के बीच क्रिया-प्रतिक्रिया क अध्ययन आ बैज्ञानिक बिस्लेषण कइल जाला। ए बिज्ञान के पर्यावरणीय-जीव बिग्यान भी कहल जाला। मुख्य रूप से इ बिग्यान कौनो आस्थान की पर्यावरण के एगो [[इकोसिस्टम|सिस्टम]] मान के ओकर अध्ययन करे ला।

सिस्टम चाहे तंत्र क मतलब होला अइसन इकाई जेवना क सगरी हिस्सा एक-दुसरा से जुडल होखे आ आपस में क्रिया-प्रतिक्रिया करत होखे आ एही वजह से ऊ सिस्टम कई टुकड़न से मिल के बनला की बावजूद एगो सिंगल इकाई की रूप में ब्यवहार करत होखे।

ए नजरिया से देखल जाय त हमनी की पृथ्वी क पर्यावरणो एगो बहुत बड़हन सिस्टम के रूप में काम करेला। पर्यावरण क रचना कई चीज से मिल के भइल बा जिनहन के एकर अंग (''पार्ट'' भा ''एलिमेंट'') कहल जा सकेला आ तबो पर ई अलग-अलग अंग कौनों न कौनो क्रिया-प्रक्रिया द्वारा एक दुसरा से जुड़ के पुरा पर्यावरण के एगो सिंगल ज़िंदा इकाई की रूप में काम करे लायक बनावेला। एही से पर्यावरण के एगो [[इकोसिस्टम|पारिस्थितिक तंत्र]] कहल जाला। एकरे बाद दुसरा स्तर पर दुनिया के अलग-अलग इलाका में अलग-अलग किसिम के पर्यावरण दसा के कारण अलग तरह के [[बायोम]] पावल जालें। या फिर अउरी छोट स्तर पर भी पृथ्वी के कौनों [[लैंडस्केप इकोलॉजी|हिस्सा]] के इकोसिस्टम मान के ओकर अध्ययन आ बिस्लेषण कइल जा सके ला।

[[इकोसिस्टम]] की रूप में पर्यावरण के मान लिहला पर एकरी अध्ययन में कई तरह क सुबिधा हो जाला। सबसे बड़ बात ई कि तब ई मान लिहल जाला की पर्यावरण की कौनो छोट से छोट अंग में कौनो बदलाव होई त ओकर परभाव पूरा पर्यावरण पर पड़ी। ए तरह से पर्यावरण में होखे वाला बदलाव क अध्ययन करे में बहुत सुबिधा हो जाला।