पृथ्वी (खंड) के संपादन कइल जात बा

==नाँव==
पृथ्वी (या पृथिवी) के अरथ होला "बिसाल आकार वाली" आ एकरा के अउरी कई गो नाँव से भी जानल जाला, जइसे कि धरती, भूमि, भू, भूँइ इत्यादि। पृथिवी शब्द से जुड़ल [[पुराण]]न के कहानी भी बा। विष्णु पुराण के मोताबिक राजा पृथु के नाँव पर "पृथ्वी" नाँव पड़ल हवे।<ref name="Apte2007">{{cite book|author=V. S. Apte|title=Sanskrit-Hindi Kosh Raj Sanskaran|url=https://books.google.com/books?id=bsSZ27z5fSYC&pg=PA649|year=2007|publisher=Motilal Banarsidass Publishe|isbn=978-81-208-2097-5|pages=649–}}</ref> कहानी के अनुसार अंग देस के राजा वेन सुभाव से दुष्ट रहलें आ जज्ञ पूजा के रोक दिहलें जेकरे कारण तपस्वी ऋषि लोग उनके पीट के मुआ घालल आ उनके बाँह के मीसल जेकरा से पृथु नाँव के राजा पैदा भइलें। प्रजा के पृथ्वी से अन्न आ शाक इत्यादि मिलल बंद हो गइल रहे जेकरे कारण पृथु तीर-धेनुही ले के पृथ्वी के पीछा कइलें जे गाय के रूप ध के भागल आ अंत में एह शर्त पर तइयार भइल कि ओकरा के एगो बाछा दे दिहल जाय। तब पृथु, स्वयंभू मनु के बाछा बना के पृथ्वी रुपी गाय के दुहलें आ ओकरे बाद पृथ्वी से फिर से अन्न इत्यादि के उपज सुरू भइल।

पृथ्वी के अन्य नाँव भी बाने। ''धरा'', ''धरती'' इत्यादि के अरथ सभके धारण करे वाली होला। ''वसुंधरा'' के अरथ वसु सभ के धारण करे वाली। ''रसा'' के अरथ जेह में सभ रस मौजूद होखे भा जेह से रस के उत्पत्ती होखे। ''रत्नगर्भा'' मने जेह से रतन उत्पन्न होखत होखें।

[[अंगरेजी]] में पृथ्वी के ''अर्थ''  (''Earth'') कहल जाला। लातीनी भाषा में ''टेरा''  (''Terra'') आ यूनानी भाषा में ''ज्या'' भा ''जी'' (γῆ)। टेरा से ''टेरेस्ट्रियल'' इत्यादि शब्द बने लें जबकि ज्याग्रफी (भूगोल), जियोलोजी (भूबिज्ञान) इत्यादि शब्द यूनानी मूल शब्द से बनल हवें।

वैदिक साहित्य में [[ऋग्वेद]] आ [[अथर्ववेद]] में पृथ्वी के [[पृथ्वी (देवी)|देवी रूप में]] बर्णन कइल गइल बा। अथर्ववेद में पृथ्वीसूक्त में पृथ्वी देवी के बिस्तार से स्तुति गावल गइल बा।<ref name="Winternitz">{{cite book|author=एम॰ विंटरनित्ज़ |title=प्राचीन भारतीय साहित्य का इतिहास ('भाग 1, खंड 1)|url=https://books.google.com/books?id=5hFReMc5I8EC&pg=PT122|publisher=मोतीलाल बनारसीदास|isbn=978-81-208-3030-1|pages=122–}}</ref><ref name="Sharma1999">{{cite book|author=रामबिलास शर्मा|title=भारतीय संस्कृति और हिंदी प्रदेश|url=https://books.google.com/books?id=ODfHI4__GigC&pg=PA527|year=1999|publisher=किताबघर प्रकाशन|isbn=978-81-7016-438-8|pages=527–}}</ref>