शतरंज (खंड) के संपादन कइल जात बा

==नियम==
चेस के नियम सभ के प्रकाशन फिडे (FIDE - ''Fédération Internationale des Échecs'') करे ला। ई एह नियम सभ के हैंडबुक छापे ला। अन्य देस में कुछ मामूली अंतर वाला नियाम भी हो सके लें बाकी अंतर्राष्ट्रीय नियम इनहने के मानल जाला जे फिडे द्वारा छापल जालें। सभसे हाल में इनहन के 2018 में अपडेट कइल गइल।

===सेटअप===
{{Chess diagram small
|tright
|
|rd|nd|bd|qd|kd|bd|nd|rd
|pd|pd|pd|pd|pd|pd|pd|pd
|  |  |  |  |  |  |  |
|  |  |  |  |  |  |  |
|  |  |  |  |  |  |  |
|  |  |  |  |  |  |  |
|pl|pl|pl|pl|pl|pl|pl|pl
|rl|nl|bl|ql|kl|bl|nl|rl
|शुरुआती पोजीशन, ''पहिली (नीचे) के कतार:'' हाथी, घोड़ा, ऊँट, वजीर, राजा, ऊँट, घोड़ा, आ हाथी; ''दुसरी कतार:'' प्यादा
}}
[[File:ChessStartingPosition.jpg|thumb|upright=1.0|left|चेस के खेल के शुरु होखे घरी सेटअप]]
परंपरा अनुसार शतरंज के गोटी सभ, जिनहन के मोहरा कहल जाला, करिया आ सफेद सेट में बँटल होखे लें। हर सेट में 16 मोहरा होखे लें: एगो राजा, एक ठो वजीर, दू गो हाथी, दू गो ऊँट, दू गो घोड़ा, आ आठ गो प्यादा। इनहन के सुरुआती सजावट चित्र में आ डाइग्राम में देखावल गइल बा। जे खेलाड़ी जवना रंग के गोटी से खेले ला ओकरा के ''सफेद'' आ ''काला'' खेलाड़ी कहल जाला। 

शतरंज जवना बोर्ड पर खेलल जाला ओह में कुल 64 खाना होखे लें। बेंड़ी-बेंड़ा आठ गो के रैंक कहल जाला आ इनहन के नंबरिंग ''1'' से ''8'' तक होखे ले (नीचे, मने की सफेद वाला की ओर से) आ खड़ा-खाड़ी आठ गो के फ़ाइल कहल जाला जिनहन के बाएँ से दाहिने (सफेद के हिसाबन) ''a'' से ''h'' ले नाँव दिहल जाला। ई 64 खाना अगल-बगल ''हल्का'' (सफेद) आ ''डार्क'' (करिया) रंग के होखे लें। बोर्ड के एह तरीका से रखल जाला कि खेलाड़ी के दहिने ओर सबसे निचला खाना सफेद रंग के पड़े। दुनों वजीर अपना-अपना रंग के खाना में रखल जालें, राजा वजीर के बगल में, एकरे बाद इनहन के दुनों ओर ऊँट, फिर दुनों ओर घोड़ा आ सभसे किनारे दुनों ओर हाथी रखालें। इनहन के साम्हने आठ गो प्यादा (सैनिक) रखल जालें। खेल के शुरुआत सफेद खेलाड़ी करे ला।

{{clear left}}

===मोहरा आ चाल===
सगरी मोहरा सभ के अलग-अलग किसिम के चाल होला। डाइग्राम में एकरा के देखावल गइल बा, मोहरा ओह जगह पर चल सके ला जहाँ जहाँ बिंदी लगा के देखावल गइल बाटे अगर बीचा में कौनों दूसर गोटी ना होखे; हालाँकि, घोड़ा कूद के चले ला आ बीचा में कौनों दूसर मोहरा होखे तबो घोड़ा बिंदी वाली जगह पर चल सके ला।
{{col-begin|width=auto; float:right; clear:right}}
{{col-break}}
{{Chess diagram small
|tright
|[[राजा (शतरंज)|राजा]] के चाल
|  |  |  |  |  |  |  |
|  |  |  |  |  |  |  |
|  |  |  |  |xo|xo|xo|
|  |  |  |  |xo|kl|xo| 
|  |  |  |  |xo|xo|xo| 
|  |  |  |  |  |  |  |
|  |  |  |  |  |  |  |
|  |  |  |  |  |  |  |  }}
{{col-break}}
{{Chess diagram small
|tright
|[[हाथी (शतरंज)|हाथी]] के चाल
|  |  |  |xo|  |  |  |  
|  |  |  |xo|  |  |  |  
|  |  |  |xo|  |  |  |  
|xo|xo|xo|rl|xo|xo|xo|xo
|  |  |  |xo|  |  |  |  
|  |  |  |xo|  |  |  |  
|  |  |  |xo|  |  |  |  
|  |  |  |xo|  |  |  |  }}
{{col-break}}
{{Chess diagram small
|tright
|[[ऊँट (शतरंज)|ऊँट]] के चाल
|xo|  |  |  |  |  |xo|
|  |xo|  |  |  |xo|  |  
|  |  |xo|  |xo|  |  |  
|  |  |  |bl|  |  |  |  
|  |  |xo|  |xo|  |  |  
|  |xo|  |  |  |xo|  |  
|xo|  |  |  |  |  |xo|  
|  |  |  |  |  |  |  |xo}}
{{col-end}}
{{col-begin|width=auto; float:right; clear:right}}
{{col-break}}
{{Chess diagram small
|tright
|[[वजीर (शतरंज)|वजीर]] के चाल
|  |  |  |xo|  |  |  |xo
|xo|  |  |xo|  |  |xo|  
|  |xo|  |xo|  |xo|  |  
|  |  |xo|xo|xo|  |  |  
|xo|xo|xo|ql|xo|xo|xo|xo
|  |  |xo|xo|xo|  |  |  
|  |xo|  |xo|  |xo|  |  
|xo|  |  |xo|  |  |xo|  }}
{{col-break}}
{{Chess diagram small
|tright
|[[घोड़ा (शतरंज)|घोड़ा]] के चाल
|  |  |  |  |  |  |  |  
|  |  |  |  |  |  |  |  
|  |  |xo|  |xo|  |  |  
|  |xo|  |  |  |xo|  |  
|  |  |  |nl|  |  |  |  
|  |xo|  |  |  |xo|  |  
|  |  |xo|  |xo|  |  |  
|  |  |  |  |  |  |  |  }}
{{col-break}}
{{Chess diagram small
|tright
|[[प्यादा]] के चाल
|  |  |  |  |  |  |  |  
|  |  |  |  |  |  |  |  
|  |  |  |  |  |  |  |  
|xx|xo|xx|  |  |  |  |  
|  |pl|  |  |  |xo|  |  
|  |  |  |  |xx|xo|xx|  
|  |  |  |  |  |pl|  |  
|  |  |  |  |  |  |  |  }}
{{col-end}}
* [[राजा (शतरंज)|राजा]] कौनों भी दिसा में एक घर चल सके ला। एकरे अलावा राजा के एगो इस्पेशल चाल भी होले जेकरा के ''[[#किलेबंदी|किलेबंदी]]'' (अंगरेजी में ''कैसलिंग'') कहल जाला, एह में हाथी भी चले ला।
* [[हाथी (शतरंज)|हाथी]] के सीधा चाल होले। मतलब की ऊ कौनों एगो फाइल भा रैंक में केतनों घर चल सके ला बशर्ते की बीचा में कौनों दूसर गोटी न होखे। राजा के कैसलिंग वाली चाल में हाथी भी चले ला।
* [[ऊँट (शतरंज)|ऊँट]] ऊँट तिरछा (डाइगोनल) चले ला आ एह तरीका से केतनों घर चल सके ला बाकी कौनों गोटी के ऊपर से कूद के ना जा सके ला।
* [[वजीर (शतरंज)|वजीर]] हाथी आ ऊँट दुनों के चाल चल सके ला। मने की सीधा-सीधा फाइल, रैंक या डाइगोनल में केतनों घर चल सके ला बाक़ी कौनों गोटी के ऊपर से ना फलांग सके ला।
* [[घोड़ा (शतरंज)|घोड़ा]] सभसे नजदीकी खाना में चले ला जे ओही फाइल, रैंक भा डाइगोनल में न होखे। एकरा के अढ़ाई घर के चाल भी कहल जाला, यानी एक घर तिरछा चल के फिर एक घर सीधा।
* [[प्यादा]] अपनी फाइल में साम्हने की ओर सीधा एक घर चले ला बशर्ते की ऊ घर खाली होखे, पहिली चाल में दू घर भी चल सके ला बशर्ते की दुनों खाना खाली होखे। (काली बिंदी); एकरे अलावा प्यादा सामने की ओर एक घर आगे के तिरछा खाना (करिया "x" से देखावल बा) में मौजूद बिरोधी के गोटी के मार सके ला। इस्पेशल चाल  the ''[[#एन पासंट|एन पासंट]]'' के रूप में मारल आ [[#जिंदा कइल|जिंदा कइल]] होला
{{clear left}}

===किलेबंदी===
[[File:ChessCastlingMovie en.svg|thumb|upright=0.95|किलेबंदी के उदाहरण ([https://upload.wikimedia.org/wikipedia/commons/5/55/ChessCastlingMovie_en.svg एनीमेशन देखल जाय])]]
खेल में एक बेर, राजा एगो इस्पेशल चाल चल सके ला जेकरा के किलेबंदी भा कैसलिंग के नाँव से जानल जाला। एह चाल में राजा अपना रैंक में, अपने ठीक बगल वाला खाना के फलांग के अगिला खाना में चल जाला आ जवना खाना के ऊ फलांगे ला ओह खाना में ओह साइड वाला हाथी आ के रखा जाला। 

कैसलिंग नीचे दिहल गइल शर्त के मोताबिक होला:<ref>{{cite web |url=http://www.fide.com/fide/handbook.html?id=207&view=article |title=FIDE Laws of Chess, article 3.8.2 |publisher=World Chess Federation |work=fide.com |url-status=live |archiveurl=https://web.archive.org/web/20170805002105/https://www.fide.com/fide/handbook.html?id=207&view=article |archivedate=5 August 2017 |df=dmy-all }}</ref>
* राजा आ ऊ हाथी जेकरा साथे कैसलिंग हो रहल होखे अपना जगह से पहिले न चलल होखें
* उनहन के बीचा में कवनों अउरी दूसर मोहरा न होखे
* राजा पर शह (चेक) न पड़ रहल होखे, जवना खाना के ऊ फलांगे ओह पर बिरोधी गोटी के हमला न हो रहल होखे, आ राजा जहाँ पहुँची उहाँ चेक न पड़े (हाथी पर अटैक हो रहल होखे भा हाथी अइसन खाना के पार करे जेकरा पर अटैक हो रहल होखे तब ई चाल चले पर रोक ना होला।

कई बेर ई मान लिहल जाला की राजा पर पहिले चेक ना पड़ल होखे के चाहीं। हालाँकि अइसन ना बा चेक पड़ल होखे आ राजा के चलले बिना कौनों दूसर तरीका से चेक बचा लिहल गइल होखे तब्बो कैसलिंग कइल जा सके ला।

===''अँपासाँ''===
{{anchor|अँपासाँ|अपासां|जिंदा_कइल|एन_पासंट}}
{{Main|अँपासाँ}}
[[File:ChessPawnSpecialMoves.gif|thumb|left|upright=1.15|Examples of pawn moves: <br />(''बाएँ'') [[परमोशन (शतरंज)|परमोशन]]; (''दहिने'') ''[[अँपासाँ]]'']]
जब प्यादा आपन दू घर वाली चाल चले आ बिरोधी प्यादा ओकरे पहुँचे वाली जगह के ठीक बगल में मौजूद होखे, बिरोधी प्यादा दू घर चले वाला प्यादा के मार सके ला आ ओह खाना में जा के रखा जाला जहाँ ऊ तब रखाइत जब प्यादा आपन दू घर के चाल चले के बजाय एक घर चलल रहित तब पहुँचत। एह नियम के मकसद ई हवे कि प्यादा दू घर चल के बिरोधी के प्यादा के वार से आपन बचाव न करे। ई चाल फ्रांसीसी खोज हवे एही से एकर नाँव फ्रेंच भाषा में ''अँपासाँ'' (''en passant'') हवे जेकर मतलब हवे ''गुजरत समय'' ("in passing")। ई चाल के शर्त हवे की प्यादा के दू घर चले के बाद ठीक अगिली चाल में ई चाल चलल जा सके ला, अगर कौनों दूसर चाल चल दिहल गइल तब फिर ओह दू घर चले वाला प्यादा के एह तरीका से ना मारल जा सके ला। उदाहरण खाती डाइग्राम देखल जा सके ला, एनीमेशन में देखावल बा की करिया प्यादा दू घर चल रहल बा g7 से g5 आ सफेद प्यादा जे f5 खाना में बा ओकरा के ''अँपासाँ'' के चाल से मार के g6 पर पहुँच जा रहल बा (बाकी ई सफेद के ठीक अगिली चाल होखे)।

===परमोशन===
<!-- {{Main|परमोशन (शतरंज)}}-->
जब प्यादा आठवाँ रैंक पर पहुँच जाला, मने कि अब ओकरा के चले के अउरी जगह ना रह जाला काहें की ऊ सीधा चले ला, ओकर ''परमोशन'' हो जाला आ ओकरे जगह पर खेलाड़ी के चुनाव अनुसार वजीर, हाथी, ऊँट भा घोड़ा में से कवनों एगो गोटी रखा जाले। एकरा के गोटी जिंदा कइल भी कहल जाला। चूँकि, खेलाड़ी के पसंद एह दसा में वजीर (अंगरेजी में रानी) के जिंदा करावे के ज्यादा होखे ले, एकरा के ''क्वीनींग'' भी कहल जाला। एह में इहो कौनों प्रतिबन्ध ना होला कि पहिले से बोर्ड पर कवन कवन गोटी बा (मतलब कि दू या दू से बेसी वजीर भी हो सके लें)।

{{clear left}}

===शह===
<!-- {{Main|शह}}-->
{{Chess diagram small
|tright
|
|  |  |  |  |  |  |  |
|  |  |  |  |  |  |  |
|  |  |kd|  |  |  |  |
|  |  |  |  |  |  |  |
|  |  |  |  |  |  |  |
|  |  |  |  |  |  |  |
|  |  |rl|  |  |  |  |
|  |  |  |  |kl|  |  |
|काला राजा पर हाथी से चेक पड़ रहल बाटे}}
जब राजा पर बिरोधी खेलाड़ी के एक ठो भा दू ठो गोटी के वार पड़ रहल होखे, एकरा के शह भा चेक कहल जाला। चेक पड़े के दसा में खाली उहे चाल उचित मानल जाला जेकरे चलते राजा पर से चेक हट जाय आ राजा बच जाय। चेक से बचाव के तीन गो तरीका हो सके ला: चेक जवना गोटी से पड़ रहल होखे ओकरा के मार दिहल जाय; बीचा में आपन कौनों दूसर गोटी खड़ा क दिहल जाय (ई घोड़ा से पड़े वाला चेक में ना काम करे ला), या फिर राजा के अइसन खाना में चलल जाय जहाँ चेक न पड़ रहल होखे। चेक के दसा में कैसलिंग ना कइल जा सके ला।

खेल के मकसद बिरोधी खेलाड़ी के मात दिहल (चेकमेट) होला, मने की अइसन दसा जबकी चेक से बचाव के कवनों गुंजाइश बिरोधी के लगे न बचे। अइसन चाल कबो बैध ना मानल जाले जवना के चले से आपन खुदे के राजा पर चेक पड़े लागे।

आमतौर पर चेक देवे के बाद लोग "चेक" (या "शह") बोल के बतावे ला, हालाँकि नियम के मोताबिक अइसन कइल कवनों जरूरी ना होला। टूर्नामेंट में आमतौर पर ई काम ना कइल जाला।

===खेल के अंत===

====जीत====
{{Chess diagram small
|tright
|
|  |  |  |  |  |  |  |
|  |  |  |  |  |  |  |
|  |  |  |  |  |  |  |
|  |  |  |  |  |  |  |
|  |  |  |  |  |  |  |
|  |  |  |  |bd|bd|  |kd
|  |  |  |  |  |  |  |
|  |  |  |  |  |  |  |kl
|सफेद के मात हो गइल बा काहें की चेक से बचाव के कवनों रस्ता ना बचल बा}}
शतरंज के खेल में नीचे दिहल तरीका सभ से जीत हो सके ला:
* ''[[मात]]'' (चेकमेट): जवना खेलाड़ी के चाल होखे ओकरे राजा पर चेक पड़ रहल होखे आ कवनों बैध चाल न बचल होखे कि चेक से बचाव हो सके।
* ''समर्पण'': दुनों में से कवनों खेलाड़ी समर्पण (रिजाइन) क सके ला आ बिरोधी के जीतल घोषित क सके ला।<ref>Burgess (2000), p. 481</ref> जब खुद बुझा जाय कि बहुत खराब स्थिति बा आ गेम जीते के संभावना नइखे, तबो खेलत रहल कवनों नीक बेहवार ना मानल जाला। एही कारण हाई-लेवल के गेम सभ बहुत कम्मे चेकमेट के साथे खतम होखे लें।
* ''समय अनुसार जीत'': जब समय बान्ह के खेल होला, खेलाड़ी जीत जाला अगर बिरोधी खेलाड़ी अपना समय में निश्चित चाल न चल पावे। 
* ''दंड'' (फोरफ़ेट): चीटिंग करे वाला, नियम के उलंघन करे वाला, ओह टूर्नामेंट के नियम के उलंघन करे वाला, खेलाड़ी के बाहर कइल जा सकत बा। हाई लेवल गेम में खेलाड़ी के नीचे दिहल कुछ कारण से भी दंडित कइल जा सके ला:
** खेल खातिर देरी से पहुँचल (भले कुछ सेकेंड के देरी होखे);
** मोबाइल पर फोन भा मैसेज रिसीव कइल;
** ड्रग टेस्ट से इनकार कइल;
** इलेक्ट्रानिक यंत्र इत्यादि खाती शरीर के जाँच से मना कइल;
** गैर-सपोर्टिव बेहवार (उदाहरण खाती बिपक्षी खेलाड़ी से हाथ मिलावे से मना कइल)।

====ड्रा====
{{Chess diagram small
|tright
|
|  |  |  |  |  |  |  |
|  |  |  |  |  |  |  |
|  |  |ql|  |  |  |  |
|kd|  |  |  |  |  |  |
|  |  |kl|  |  |  |  |
|  |  |  |  |  |  |  |
|  |  |  |  |  |  |  |
|  |  |  |  |  |  |  |
|काला पर कवनों चेक ना बा बाकी ओकरा लगे कौनों बैध चाल भी ना बचल बा, ई स्टेलमेट हो गइल बा
}}
शतरंज के खेल बिना हार-जीत के ड्रा हो सके ला:
* ''आपसी सहमती से'': दुनों खेलाड़ी आपसी सहमती से ड्रा कर सके लें। सही तरीका होला कि जेकरे लगे चाल होखे ऊ बिपक्षी से ड्रा खातिर अनुरोध करे, आपन चाल चल दे आ बिपक्षी के टाइम खाती घड़ी चालू कर दे (मने कि ड्रा पर बिचार करे के काम बिपक्षी अपना समय में करे)। परंपरागत रूप से खेल में कबो ड्रा के प्रस्ताव कइल जा सके ला हालाँकि, अनौपचारिक रूप से, बहुत जल्दी ड्रा करावे के हतोत्साहित कइल जाला।
* ''[[स्टेलमेट]]'': जब खेलाड़ी के चाल होखे, ओकरा लगे कौनों बैध चाल बचल न होखे आ ओकरे राजा पर चेक भी न पड़ रहल होखे।
* ''तीन बेर एकही स्थिति के रिपीट भइल'': जब दुनों में से कवनों खेलाड़ी अइसन स्थिति से बचे के दसा में न होखे कि ओकरा के नोकसान न होखे आ तीन बेर एकही नियर गोटी के स्थिति रिपीट हो जाय (नोकसान से बचे खाती) तब कवनों खेलाड़ी ड्रा के अनुरोध कर सके ला। अइसन दसा में खेल के लिखित रिकार्ड रखल जरूरी होला जवना से कि अगर एह तीन बेर वाली स्थिति के चुनौती दिहल जाय तब रेफरी भा खेल के मध्यस्थता करे वाला जाँच कर सके आ दावा के पुष्टी कर सके।
* ''पचास-चाल नियम'': अगर लगातार 50 चाल में एकहू चाल प्यादा के ना भइल होखे आ कवनो गोटी मारल न गइल होखे, कवनों खेलाड़ी एह बात के हवाला दे के ड्रा के माँग कर सके ला।{{refn|The 50 move rule is not applied at FICGS.<ref>{{cite web |url=http://www.ficgs.com/membership.html#chess |title=50 moves rules |accessdate=1 December 2009 |publisher=FICGS |url-status=live |archiveurl=https://web.archive.org/web/20100209034210/http://www.ficgs.com/membership.html#chess |archivedate=9 फरवरी 2010 |df=dmy-all }}</ref>|group=note}}
* ''पाँच बेर रिपीटीशन'': ई तीन बेर रिपीटीशन नियर नियम हवे बाकी एह नियम में खेलाड़ी लोग जब ड्रा खाती दावा ना करे ला तब रेफरी भा टूर्नामेंट के डाइरेक्टर खुद हस्तक्षेप क के खेल के ड्रा करवावे लें। ई नियम 2014 में फिडे द्वारा जोड़ल गइल।
* ''पचहत्तर-चाल नियम'': पचास-चाल वाला नियम जइसन होला; हालाँकि, अगर अइसन चाल सभ के क्रम में अंतिम चाल में मात हो गइल होखे, एकरा के वरीयता दिहल जाला। इहो नाया नियम हवे आ पाँच-बेर रिपीटीशन वाला नियम के नियर टूर्नामेंट के डाइरेक्टर के हस्तक्षेप से लागू होला।
* ''जरूरत से कम मोहरा'': अगर कौनों खेलाड़ी के लगे अतना गोटी बचबे न करे की दुनों में से केहू मात देवे के स्थिति में होखे। सिद्धांत रूप में कुछ मिनिमम गोटी निर्धारित बा जवना के साथे मात दिहल जा सके ला।
* ''समय आधारित ड्रा:'' टाइम कंट्रोल वाला गेम में अगर एक खेलाड़ी आपन समय खतम क चुकल होखे आ बिरोधी खेलाड़ी के लगे मात देवे भर के गोटी न बचल होखे गेम के ड्रा घोषित कइल जाला।