बिंदुसार (खंड) के संपादन कइल जात बा

==मरन==

ऐतिहासिक साक्ष्य से पता लागेला जे बिंदुसार 270 ईशा पूर्व मे मुअल रहन। उपेन्द्र सिंह कहेलन जे बिंदुसार 273 ईशा पूर्व मे मुअल रहन। एलेन डेनिअलोऊ कहेलन जे बिंदुसार 274 ईशा पूर्व मे मुअल रहन। शैलेन्द्र नाथ सेन मानेलन जे बिंदुसार 273 ईशा पूर्व मे मुअल रहन आ ओकर चार बरिस बाद असोक सम्राट भइलन।{{sfn|सेन|1999|p=142}}

महावंस कहेला जे बिंदुसार आठाइस बरिस ले राज कइलन आ पुरान केहला जे ऊ पचीस बरिस के राज कइलन।{{sfn|Romila Thapar|1961|p=13}}  बौद्ध ग्रंथ मञ्जुश्रीमूलकल्प कहेला जे ऊ 70 बरिस ले राज कइलन बाकिर ई सही नइखे।<ref>{{cite book |url=https://books.google.com/books?id=e9gcAAAAMAAJ |title=Bimbisāra to Aśoka: With an Appendix on the Later Mauryas |author=Sudhakar Chattopadhyaya |publisher=Roy and Chowdhury |year=1977 |page=102 }}</ref>

सवँसे स्त्रोत ईहे कहेला जे बिंदुसार के मुअला प असोके सम्राट बनलन, भले सम्राट बने के परकिरिया सभन मे एक ना देले होखे। महावंस मे लिखल बा जे असोक उज्जैन के प्रशासक रहन आ बिंदुसार के मुअला प ऊ पाटलिपुत्र अइलन आ आपन निनानबे भाइयन के मार के सम्राट बनलन।

आसोकवदन मे लिखल बा जे, सुसिम जिनकरा बिंदुसार सभ से बेसी मानत रहन ऊ आपन लोहा के दसताना खल्लतक के देहि प बिग दिहलन, एह से खल्लतक लागल जे सुसिम सम्राट बने जोग नइखन। एहिसे ऊ 500 मंतरियन के सभा मे आसोक के सम्राट बनावे के बात कहलन आ संगे संगे इहो कहलन जे देवता लोग आसोक के महान सम्राट बने के असिस देले बाड़न। तानिए दिन प बिंदुसार बेमार भ गइलन आ सुसिम के सम्राट आ असोक के तक्खसिला के परसासक के आदेश दिहलन। ओह घड़ी सुसिम के तक्खसिला भेजल रहे जेने ऊ बिद्रोह के समाप्त करे के परयास करत रहन। जब सम्राट मुए के रहन तऽ मंत्री लोग बोलल जे अबहिन जहिया ले सुसिम पाटलिपुत्र नइखन आवत तले असोक के सम्राट बनाई दिहल जाव। बाकिर बिंदुसार एह सलाह प खिसिया गइलन। फेर असोक कहलन जे जदि हुनकर सम्राट बनल भाग मे लिखल बा तऽ देवता लोग अपने हुनकरा सम्राट बनइहन। बिंदुसार जसही मुअलन तसही देवता लोग असोक के मुकुट पेन्हा दिहलन। जब सुसिम ई खबर जनलन तऽ ऊ पाटलिपुत्र अइलन। बाकिर असोक के संघाती आ मंत्री राधागुप्त हुनकरा के जरत भट्टी मे धकेल के मुआ दिहलन।<ref name="EB_legends"/>{{sfn|सिंह|2008|p=331-332}}

राजावली कथा मे लिखल बा जे बिंदुसार असोक के सम्राट बनाई के सन्यास ले लिहऽताड़न।<ref name="BLRice_1889"/>