2020 के बिहार बिधानसभा चुनाव (खंड) के संपादन कइल जात बा

==चुनाव==

[[File: Polling official administering indelible ink to a voter, at a polling booth, during the first phase of the Bihar Assembly Election, at New Madhya Vidyalaya, in Gaya, Bihar on October 28, 2020.jpg|thumb|28 अक्टूबर, 2020 के बिहार के गया मे, नयका मध्य विद्यालय मे, बिहार बिधानसभा चुनाव के पहिलका चरन के घड़ी, एगो मतदान केंद्र प, एक मतदाता के अमिट स्याही लगावत मतदान अधिकारी।]]
[[File: Voters standing in the queue to cast their votes, at a polling booth, during the first phase of the Bihar Assembly Election, at New Madhya Vidyalaya, in Gaya, Bihar on October 28, 2020.jpg|thumb|28 अक्टूबर, 2020 के बिहार के गया मे, नयका मध्य विद्यालय मे, बिहार बिधानसभा चुनाव के पहिलका चरन के घड़ी, एगो मतदान केंद्र प, वोट गीरावे ला लाइन मे खाड़ मतदाता।]]

भारत के मुख्य चुनाव आयुक्त, सुनील अरोरा, 25 सितंबर के घोसना कइलन जे, बिहार बिधानसभा चुनाव 28 अक्टूबर 2020 से चालू होई, आ तीन चरन मे 243 सीटन प होई। भारतीय चुनाव आयोग के मोताबिक 60 गो पंजिकृत पार्टी चुनाव लड़े के रहे।

चुनाव [[कोविड-19 महामारी]] के घड़ी भइल रहे एही से भारतीय चुनाव आयोग जरूरी दिशानिर्देश जारी कइलस। चुनाव परचार दुनो शारीरिक आ ऑनलाइन रूप से भइल। रैली सभ मे काम भीड़ करे के दिशानिर्देशो जारी भइल रहे। [[कोविड-19 महामारी]] के चलते मतदान के समय नक्सल परभावित क्षेत्रन के छोड़ि के बाकि सभ जगह एक घंटा बढ़ाई के भोरे 7 बजे से साँझे 6 बजे ले कइ दिहल गइल। दिशानिर्देशन के अनुसार, एगो बूथ प सभ से बेसि लोग जे रह सकेला, ओकरा 1500 से कमती कर के 1000 कइ दिहल गइल। सात लाख गो सैनिटाइजर, 46 लाख जाब (मास्क), 6 लाख पीपीई किट, 6.7 लाख फेस शील्ड आ 23 लाख दस्ताना के जोगाड़ कइल गइल।

===मतदान===

एह चुनाव मे 57.04% वोट पड़ल, जवन की 2015 के बिधानसभा चुनाव मे पड़ल 56.66% से 0.39% बेसि रहल। एह चुनाव मे 59.58% वोट मेहरारू लोग दिहलस आ मरद लोग 54.68% वोट दिहलस।

===पहिलका चरन===

पहिलका चरन मे 1066 (952 मरद आ 114 मेहरारू) लोग अलग अलग क्षेत्रन से चुनाव लड़ल। गया नगर बिधानसभा क्षेत्र से सभ से बेसि 27 गो उम्मीदवार लोग चुनाव लड़ल आ [[बाँका जिला]] के कटोरिया से सभ से कम 5 गो उम्मीदवार लोग चुनाव लड़ल। पहिलका चरन मे 2.15 करोड़ मतदाता लोग वोट दे सकत रहे जेमे 1.12 करोड़ मरद, 1.01 करोड़ मेहरारू आ 599 जाना तृतिय लिंग के रहे।

एह चरन मे 55.68% वोट गिरल, 56.8% मरद आ 54.4% मेहरारू लोग वोट दिहलस। एह चरन मे पिछलका हाली 54.94% वोट गिरल रहे।

===दोसरका चरन===

एह चरन मे 1463 (1315 मरद, 147 मेहरारू आ एगो तृतिय लिंग) लोग अलग अलग क्षेत्रन से चुनाव लड़ल।<ref>{{Cite web|title=Bihar election 2020: 34% crorepati candidates in Phase II of polls - Times of India|url=https://timesofindia.indiatimes.com/elections/assembly-elections/bihar/34-crorepati-candidates-in-phase-ii-of-bihar-polls/articleshow/78938883.cms|access-date=2020-11-01|website=The Times of India|language=en}}</ref>

चुनाव 3 नवंबर के भइल जेमे 55.7% वोट गिरल।

===तीसरका चरन===

तीसरका चरन मे, 78 सीटन प 1094 मरद, 110 मेहरारू लोग चुनाव मे खाड़ भइल। 2.35 करोड़ मातदाता लोग मे से 1.23 करोड़ मरद आ 1.12 करोड़ मेहरारू रहे।<ref>{{Cite web|title=Bihar assembly elections phase III|language=en|work=[[The Times of India]]|url=https://timesofindia.indiatimes.com/elections/assembly-elections/bihar/bihar-assembly-elections-phase-iii-all-you-need-to-know/articleshow/79087355.cms|access-date=2020-11-11}}</ref>

चुनाव 7 नवंबर 2020 के भइल आ 59.94% वोट पड़ल जे तीनो चरन मे सभ से बेसि रहे।

===घटना===

पहिलका चरन से एक दिन पहिले, 27 अक्टूबर 2020 के, [[गया जिला]] के इमामगंज से तीन गो आईईडी बॉम्ब मीलल, जेकरा नष्ट कइल गइल।<ref>{{Cite news| date=28 October 2020 | title=3 IEDs recovered in Imamganj on poll eve |url=https://timesofindia.indiatimes.com/city/patna/3-ieds-recovered-in-imamganj-on-poll-eve/articleshow/78900776.cms|access-date=2020-11-01  | work=The Times of India |language=en}}</ref>

पहिलका चरन के चुनाव के दिन, 28 अक्टूबर 2020 के [[औरंगाबाद जिला, बिहार|औरंगाबाद जिला]] से तीन गो आईईडी बॉम्ब मीलल, जेकरा सीआरपीएफ के जवान लोग नष्ट कइलस।<ref>{{Cite news|title=2 IED bombs found near polling booth in Bihar defused by CRPF|url=https://www.tribuneindia.com/news/nation/two-ied-bombs-found-near-polling-booth-in-bihar-defused-by-crpf-162285|access-date=1 November 2020|work=[[The Tribune (India)]]|language=en}}</ref>