झरना (खंड) के संपादन कइल जात बा

=== आकृति आ ज्यामिति के आधार पर ===
[[चित्र:Nevada Fall from Glacier Point, Yosemite NP, CA, US - Diliff.jpg|200px|thumb|[[नेवादा झरना]], घोड़ापोंछ आकृति के (हॉर्सटेल) झरना के उदाहरण।]]
[[चित्र:Punch Bowl Falls.jpg|200px|thumb|[[पंच बाउल झरना]], अपने नाँव के झरना सभ के उदाहरण।]]
[[चित्र:Jog Falls 05092016.jpg|200px|thumb|जोग चाहे गरसोप्पा झरना, कम बरखा के सीजन में ई कई धारा में बहे ला।]]
[[चित्र:Waterfall Kakolat.jpg|200px|thumb|[[काकोलत झरना]], सीढ़ीदार प्रकार के उदाहरण।]]
[[चित्र:Jonha falls.jpg|200px|thumb|जोन्हा झरना, कैस्केड झरना प्रकार के उदाहरण।]]
[[चित्र:Cataratas.jpg|200px|thumb|[[इवासू झरना|इवासू (iguazu) झरना]], कैटरैक्ट झरना प्रकार के उदाहरण।]]
झरना के पानी कवना तरीका से ऊपर से नीचे उतरत बा, एह पूरा चीज के रूप आ आकृति कवना किसिम के बा, एह आधार पर झरना सभ के कई प्रकार बतावल जाला। हालाँकि, ई बहुत बैज्ञानिक बर्गीकरण ना मानल जाला। नीचे कई ठे स्रोत<ref>{{cite web |last1=Society |first1=National Geographic |title=waterfall |url=https://www.nationalgeographic.org/encyclopedia/waterfall/ |website=National Geographic Society |access-date=2 जनवरी 2022 |language=en |date=28 मार्च 2013}}</ref><ref>{{cite web|url=https://www.worldatlas.com/articles/how-many-types-of-waterfalls-are-there.html |title=How Many Types of Waterfalls Are There? |publisher=WorldAtlas.com |date= |accessdate=2018-10-04}}</ref><ref>{{cite web|url=https://www.suomenvesiputoukset.fi/about/waterfall-types/ |title=Waterfall types |publisher=Suomenvesiputoukset.fi |date= |accessdate=2018-10-04}}</ref><ref>{{cite web|url=http://www.aria-database.com/waterfall/falls-class.html |title=Eastern Waterfall Guide - Waterfall Classification |publisher=Aria-database.com |date= |accessdate=2018-10-04}}</ref><ref>{{cite book |last1=Garner |first1=Troy |title=Waterfall's and History of the Ouachitas and Mount Magazine |date=11 जून 2010 |publisher=Lulu.com |isbn=978-0-557-50081-9 |page=7 |url=https://books.google.co.in/books?id=AFRODwAAQBAJ&newbks=1&newbks_redir=0&lpg=PA7&dq=Waterfall%20types&hl=hi&pg=PA7#v=onepage&q=Waterfall%20types&f=false |access-date=2 जनवरी 2022 |language=en}}</ref><ref>{{cite book |last1=Karle |first1=Tina |title=200 Waterfall Hikes of Ohio Revised Edition |date=अक्टूबर 2019 |publisher=Lulu.com |isbn=978-0-359-95305-9 |url=https://books.google.co.in/books?id=d_S0DwAAQBAJ&newbks=1&newbks_redir=0&lpg=PA11&dq=Waterfall%20types&hl=hi&pg=PA11#v=onepage&q=Waterfall%20types&f=false |access-date=2 जनवरी 2022 |language=en}}</ref> से इनहन के नाँव आ बिबरन ले के प्रस्तुत कइल गइल बा:

;प्लंज (plunge)
अइसन झरना जेह में पानी एकदम से सीधा नीचे के ओर गिरे आ पाछे के चट्टान रुपी देवाल से बहुत संपर्क न रहे। एह अरथ के अनुसार ई लटक झरना भी कहल जा सके ला। प्लंज (plunge) के मतलब होला गोता चाहे डुबकी लगावल; एह झरना में अइसन बुझाला कि पानी ऊपर से नीचे आवत बा आ नीचे बनल कुंड में गोता लगा रहल बाटे। निचवाँ जवन गड़हा भा कुंड बन गइल होला ओकरा के प्लंज पूल कहल जाला।
;हॉर्सटेल (horsetail)
हॉर्सटेल के मतलब हवे घोड़ा के पोंछ। एह झरना सभ के आकृति अइसन होला कि दूर से देखले पर घोड़ा के पोंछ नियर बुझालें; ऊपरी हिस्सा में पातर बाकी नीचे आवे पर चौड़ाई में कुछ बिस्तार होखत जाला।
;पंचबाउल (punchbowl)
पंचबाउल (punchbowl) के अंगरेजी में अरथ होला खरल (छोट ओखर) जेह में मसाला ओसाला कूटल जाला। इनहन में पानी के गिराव अइसन होखे ला जे देखे पर बुझाला कि ओखर चाहे खरल में मूसर नियर पानी गिर रहल बाटे।
;स्लाइड (slide)
स्लाइड के अरथ होला पार्क में लरिकन के खेले खातिर बनावल गइल फिसलनी जेहपर एक ओर से सीढ़ी से चढ़ के दुसरे ओर ढाल पर सरक के तेजी से नीचे आवे लें। झरना सभ के एह परकार में ढाल बहुत खड़ा ना होखे ला आ पानी लगभग हमेशा अपना पाछे के देवाल से सट के बहे ला। हालांकि, इनहन में पानी के बहाव, ऊँचाई आ पानी के मात्रा रैपिड्स से बेसी होखे ला।
;शूट (chute)
स्लाइड के एगो परकार कहल जा सके ला। शूट के अरथ होला फिसलनी जे सँकेत आकृती के होखे। पानी एह संकरा चैनल नियर हिस्सा से हो के गुजरे ला आ बहुत तेजी से खतरनाक बहाव वाला हो सके ला।
;रिबन (ribbon)
फीता के आकृति के झरना जेह में बहुत पातर धारा ऊपर से नीचे गिरे। अंगरेजी में रिबन (ribbon) माने फीता होला।
;फैन (fan)
पंखा नियर आकृति बनावे वाला झरना। जइसे हॉर्सटेल झरना में नीचे आवे पर पानी के चौड़ाई बढ़े ला, एह झरना सभ में ई अतना बढ़ जाला कि पूरा आकृति पंखा नियर बुझाए लागे ला।
;टायर्ड (tiered)/ स्टेप (step)
इनहन के सीढ़ीदार झरना कहल जाला। पानी एकही बेर में ऊपर से नीचे ना आ जाला बलुक चट्टान सभ के स्थिति अइसन होखे ला की कई गो सीढ़ी सभ से उतरे नियर तस्वीर बने ले।
;सेगमेंटेड (segmented)
पानी एगो धारा भा लगातार चौड़ाई वाला बहाव के रूप में ना होखे ला बलुक कई टुकड़ा में बाँट के बहे ला।
;कैस्केड (cascade)
पानी कई धारा में बंटे ला आ फिर जुड़े ला। मने कि अइसन झरना जेह में चाकर छितराइल रास्ता में बीचा बीचा में चट्टान के उभार देखाई पड़े। इनहन के छितरा झरना कहल जा सके ला।
;ब्लॉक (block)
इनहन के रैंप चाहे लेज़ झरना भी कहल जाला। पानी सीधा एगो खड़ा देवाल नियर ढाल से नीचे गिरे ला। अगर ऊँचाई बहुत न होखे, पानी के बहाव के चौड़ाई आ ऊँचाई दुनों लगभग बरोबर होखे तब इनहन के क्लासिकल ब्लॉक झरना चाहे रेक्टैंगुलर (आयताकार, चौखूंटा के आकृति के) झरना भी कहल जाला।
;कैटरेक्ट (caterect)
कैटरैक्ट झरना अइसन झरना होखे लें जे बहुत बिसाल होखें आ जिनहन में बहुत भारी मात्रा में पानी के बहाव होखे। एह भारी बहाव आ बिसाल झरना सभ में ऊपर से पानी के गिरे के कारन धुआँसा नियर बन जाला; अइसन बुझाला कि झरना के बीच में बादर बन गइल बाटे आ इनहन में नीचे के इलाका में बरखा होखे नियर महसूस हो सके ला। कैटरेक्ट (caterect) शब्द के अंगरेजी में अरथ होला मोतियाबिंद, जेह में आँख के पुतरी के बीचा में धुंधला उज्जर चीन्हा नियर बन जाला; हालाँकि, एह अरथ के एह किसिम के झरना से कौनों संबंध बा कि ना ई बतावल मुश्किल बाटे। कुछ जगह कैटरेक्ट (cateract) इस्पेलिंग से इनहन के नाँव मिले ला आ ई बतावल जाला कि अंगरेजी में ई यूनानी भाषा से आइल हवे जहाँ मूल अरथ "नीचे की ओर बहाव" होला।

ई नाँव, कैटरेक्ट्स खास झरनो सभ के नाँव हवे जे अफिरका के महान [[नील नदी]] के ऊपरी हिस्सा से ले के निचला हिस्सा में कई जगह बने लें। इनहन के [[:en:Cataracts of the Nile|नील नदी के कैटरेक्ट्स]] कहले जाला। हालाँकि, कुछ बिद्वान लोग नील नदी के एह झरना सभ के झरने ना माने ला बलुक रैपिड्स के श्रेणी में रखे ला।<ref>{{cite book |last1=Hudson |first1=Brian J. |title=Waterfall: Nature and Culture |date=15 फरवरी 2013 |publisher=Reaktion Books |isbn=978-1-86189-956-9 |url=https://books.google.co.in/books?id=FKtkU4E-mWYC&newbks=1&newbks_redir=0&lpg=PA235&dq=Waterfall%20classification&hl=hi&pg=PA12#v=onepage&q=Waterfall&f=false |access-date=2 जनवरी 2022 |language=en}}</ref> एकरे अलावा अमेरिका में टेनेसी आ इंडियाना प्रांतन में कैटरेक्ट (cateract) नाँव के झरना बाड़ें।