फ्रांस (खंड) के संपादन कइल जात बा

== भूगोल ==
फ्रांस के राज्यक्षेत्र (टेरिटरी) के ज्यादातर हिस्सा पच्छिमी यूरोप में पड़े ला आ एकरा के [[मेट्रोपोलिटन फ्रांस]] कहल जाला जवना से कि समुंद्र पार के फ्रांसीसी इलाका सभ से एकरा के अलग बूझल जा सके। एह में फ्रांस के मुख्य इलाका आ आसपास के कुछ दीप सभ सामिल बाने आ एकरे उत्तर में [[नार्थ सागर]], उत्तर पच्छिम में [[इंग्लिश चैनल]], पच्छिम में [[अटलांटिक महासागर]] आ दक्खिनपूरुब में [[भूमध्य सागर]] मौजूद बा। जमीनी सीमा सभ, उत्तर पूरुब में [[बेल्जियम]] आ [[लक्जमबर्ग]], पूरुब में जर्मनी आ स्विट्जरलैंड, दक्खिन पूरुब में इटली आ मोनाको, आ दक्खिन आ दक्खिन पच्छिम में अंडोरा आ स्पेन के साथे बने ला। उत्तर पूरुब के हिस्सा छोड़ दिहल जाय त बाकी फ्रांस के जमीनी सीमा प्राकृतिक सीमा हई स जइसे कि दक्खिन में पिरेनीज पहाड़ से, दक्खिन पूरुब में आल्प्स आ जूरा परबत से आ पूरुब में राइन नदी से। एकरे आकृति के कारण फ्रांस के ''हेक्सगन'' (''{{lang|fr|l'Hexagone}}'') यानी षटकोण कहल जाला।

मेट्रो फ्रांस में कई गो दीप भी सामिल बाने जिनहन में सभसे बड़ बा [[कोर्सिका]]; एकरे अलावा इंग्लिश चैनल आ भूमध्य सागर में अउरी कई गो छोट छोट दीप बाने।

मेट्रो फ्रांस के लोकेशन 41° आ 51° N अक्षांस अउरी 6° पच्छिमी आ 10° पूरबी देशांतर के बीच बा आ ई उत्तरी उपोष्ण कटिबंधी इलाका में पड़े ला। एकर महादीपी हिस्सा उत्तर से दक्खिन आ पूरुब से पछिम ले लगभग 1000 किमी लंबाई आ एतने चौड़ाई वाला बाटे।

मुख्य भूमि के अलावा फ्रांस के अधीन कई गो समुंद्र पार इलाका भी बाने:
* दक्खिन अमेरिका महादीप में: [[फ्रेंच गयाना]]।
* अटलांटिक महासागर में: सेंट पियरे आ मिकेलन; एंटिलीज में गुआडेलो, मार्टिनीक, सेंट मार्टिन, आ सेंट बार्थेलेमी।
* प्रशांत महासागर में: [[फ्रेंच पोलिनेशिया]], न्यू कैलेडोनिया, [[वालिस आ फुतुना]] आ क्लिपर्तन दीप
* हिंद महासागर में: रियूनियन दीप, मायोत्ते, केरगुएलेन दीप, क्रोजेट दीप, सेंट पॉल दीप, एम्सटर्डम दीप आ अन्य छिटपुट दीप।
* अंटार्कटिका में: अदीले लैंड

एही कारण, फ्रांस के सीमा वाया फ्रेंच गयाना [[ब्राजील]] आ [[सूरीनाम]] से मिले ला आ सेंट मार्टिन के कुछ हिस्सा द्वारा [[नीदरलैंड]] से भी एकर सीमा बने ला।

=== भूबिज्ञान, टोपोग्राफी आ हाइड्रोग्राफी ===
मेट्रोपौलिटन फ्रांस में थलरूप के मामिला में भरपूर बिबिधता मौजूद बा आ कई किसिम के प्राकृतिक लैंडस्केप पावल जालें। वर्तमान फ्रांस के बड़हन इलाका सभ के उठान कई टेक्टॉनिक हलचल सभ के बाद भइल हवे; उदाहरण खाती पैलियोजोइक जुग में भइल हर्सीनियन उत्थान, जेकरे दौरान आर्मोरिकन पठार आ बिचला पठार (मैसिफ सेंट्रल), मोरवान मैसिफ, वोस्जेज आ आर्डन्नीज परबत माला आ कोर्सिका दीप के निर्माण भइल हवे। एह मैसिफ सभ, मने के ऊँच मजबूत आ कड़ेर चट्टान वाले भूखंड सभ के इर्द-गिर्द कई गो अवसादी बेसिन (सेडीमेंटरी बेसिन) सभ के निर्माण भइल बा जेह में दक्खिनपच्छिम के एक्वाटाइन बेसिन सभ, उत्तर में पैरिस बेसिन इत्यादि बाड़ें, पैरिस बेसिन में कुछ सभसे उपजाऊ भूभाग भी बाड़ें जइसे कि ब्यू'ओस आ ब्राइ के सिल्ट बेड सभ। कई गो प्राकृतिक गलियारा नियर भूभाग भी बाड़ें जेह में रो'न घाटी प्रमुख बा आ आवागमन के सुबिधाजनक बनावे ला। समुंद्र तल से लगभग {{convert|4810.45|m|ft|0}}<ref>{{cite news |url=http://www.smh.com.au/environment/mont-blanc-shrinks-by-45cm-in-two-years-20091106-i0kk.html |title=Mont Blanc shrinks by {{convert|45|cm|2 |abbr=on}} in two years |work=Sydney Morning Herald |date=6 November 2009 |accessdate=9 August 2010}}</ref> के ऊँचाई पर [[माउंट ब्लांक]] नाँव के परबत बा जे फ्रांस आ इटली के बाडर वाला हिस्सा में मौजूद आल्प्स परबत के पहाड़ हवे, ई पूरा यूरोप के सभसे ऊँच बिंदु हवे। हालाँकि, फ्रांस के लगभग 60 % म्युनिसिपैलिटी सभ के वर्गीकरण भूडोल के रिस्क वाला इलाका के रूप में कइल गइल बाटे, ई रिस्क मध्यम कटेगरी के बा। फ्रांस के समुंद्री किनारा भी कई तरह के थलरूप वाला बा जे में एक दुसरे से बिल्कुले अलग किसिम के चीज पावल जाला: फ्रेंच रीवीरा के तट परबती इलाका हवे, तटीय क्लिफ पावल जालें जइसे कि कोट-डी-एल्बार्ट्रे, आ भरपूर चाकर बलुआ मैदानी समुंदरी किनारा लैंगुएडॉक के हिस्सा में मिले ला। कोर्सिका एगो दीप हवे जे भूमध्यसागरी किनारे से कुछ दूर प समुंद्र में मौजूद बा। फ्रांस के नदी तंत्र भरपूर बिकसित बा जेह में चार गो प्रमुख नदी बाड़ी: सीन, लोइर, गरोन, आ रोन। एह चारो नदी आ इनाहन के सहायिका सभ के बेसिन के बिस्तार फ्रांस के लगभग 62 % हिस्सा कभर क लेला। रोन नदी के पछिम में सेंट्रल मैसिफ के ऊँच भूभाग हवे आ पूरुब में आल्प्स परबत के उंच हिस्सा हऽ आ ई नदी भूमध्य सागर में गिरे ले। कुछ नदी सभ म्यूज आ राइन नदी के ओर, मने कि उत्तर-पूरुब मुँह के बहे ला। पच्छिमी हिस्सा के नदी सभ पच्छिम मुँह के बहे लीं आ अटलांटिक महासागर में गिरे लीं। फ्रांस के समुंद्री क्षेत्र लगभग {{convert|11|e6km2}} इलाका प बिस्तार लिहले बा, धियान देवे वाली बात ई कि एकर लगभग 97 % हिस्सा मुख्यभूमि से जुड़ल ना बलुक समुंद्र-पार हिस्सा सभ के साथे जुड़ल बाटे।

{{clear}}