पाब्लो पिकासो (खंड) के संपादन कइल जात बा

==राजनीतिक विचार==
पिकासो राजनीतिक विचारधारा क मामला में मूल रूप से मानवतावादी रहलें। ऊ जीवन भर अत्याचार आ अन्याय के विरोध कइलें। साल 1944 में पिकासो फ्रांस के कम्युनिस्ट पार्टी के सदस्य बन गइलें। स्टालिन के विचारधारा के समर्थन के वजह से उनका के खई बेर विरोध के सामना करे के पड़ल। उनकर आलोचक उनकरा पर ई कहिक भी वैचारिक हमला कइलें कि पिकासो मार्क्स आ एंगेल्स के कवनो किताब पढ़लहीं बिना कम्युनिस्ट कइसे बनि गइलें। उनकरा के कम्युनिस्ट विचारधारा के ककहरो ना मालूम रहे। बाकी पिकासो जिनिगी भर इ कहत रहि गइलें कि ऊ कम्युनिस्ट ङउवन आ उनकर पेंटिग कम्युनिस्ट विचारधारा के पेंटिग हई सs।<ref>{{cite book|title=Picasso on Art: A Selection of Views|year=1988|publisher=Da Capo Press|isbn=0-306-80330-5|page=140|author=Ashton, Dore and Pablo Picasso}}</ref>

पिकासो अपना विचारधारा खातिर स्वेच्छा से देस निकाला स्वीकार क लिहलें आ कसम खइलें कि जबतक स्पेन में रिपब्लिकन शासन ना स्थापित हो जाई तब तक ऊ देस ना लवटिहें। पिकासो अपना पेंटिग से जिनिगी में बेहिसाब दौलत कमइलें। आज तक इतिहास में कवनो कलाकार भा रचनाकार के इ सौभाग्या प्राप्त ना भइल। ऊ निजी पेंटिग आ संग्रह खातिर मुहमांगा फीस वसूलत रहलें बाकी सार्वजनिक संग्रहालय के ऊ आपन पेंटिंग मुफ्त में दे देत रहलन।<ref>''Life'' 4 March 1940 [https://books.google.com/books?id=pT8EAAAAMBAJ&pg=PA56&dq= "Picasso: Spanish Painter's Big Show Tours the Nation"]. Retrieved 16 दिसंबर 2017.</ref>