पृथ्वी (खंड) के संपादन कइल जात बा

===भूगर्भशास्त्रीय इतिहास===
{{Main article|पृथ्वी के भूबैज्ञानिक इतिहास}}
[[File:USA 10654 Bryce Canyon Luca Galuzzi 2007.jpg|thumb|हूडू नाँव के थलरूप, अमेरिका के उटा राज्य के ब्राइस कैनियन नेशनल पार्क में।]]

धरती के [[वायुमंडल]] आ समुंद्र सभ के रचना ज्वालामुखी क्रिया आ अन्य तरीका से बाहर निकले वाली गैसन के द्वारा भइल जेह में जलभाप भी शामिल रहल। जलभाप के ठंढ़ाईला में एस्टेरोइड, प्रोटोप्लैनेट (आदिग्रह), आ [[पुच्छल तारा]] सभ से मिलल पानी आ बरफ के भी योगदान रहल।<ref name="watersource"/> एह सिद्धांत के मोताबिक, वायुमंडल में मौजूद "[[ग्रीनहाउस गैस]]" सभ के कारण समुंद्र के पानी जमे ना पावल जबकि सुरुज अभी अपने वर्तमान दीप्ति के  70% भर प्रकाश देत रहे।<ref name=asp2002/> {{val|3.5|u=Gya}} तक ले, [[पृथ्वी के चुंबकी क्षेत्र]] स्थापित हो चुकल रहल, ईहो एह काम में मदद कइलस आ [[सौर हवा]] से उड़ के वायुमंडल के बिनास होखे से बचावे में मदद कइलस।<ref name=physorg20100304/>

क्रस्ट, यानी पृथ्वी के ऊपरी ठोस परत, के निर्माण पघिलल बाहरी परत के ठंढा होखे से बनल। दू गो मॉडल बाने<ref name=williams_santosh2004/> जे धरती के जमीनी हिस्सा के वर्तमान रूप के धीरे-धीरे निर्माण<ref name=science164_1229/> या फिर, बहुत संभावित बा कि, अचानक तेजी से भइल बिकास<ref name=tp322_19/> के ब्याख्या करे लें जवन कि पृथ्वी के सुरुआती इतिहास में भइल रहल होखी<ref name=rg6_175/> आ एकरे बाद लमहर समय खातिर पृथ्वी के जमीनी महादीपी हिस्सा स्थाई रूप पा गइल।<ref name=science310_5756_1947/><ref name=jaes23_799/><ref name=ajes38_613/> महादीप सभ के उत्पत्ती [[प्लेट टेक्टॉनिक्स]] के द्वारा भइल जेकरा के चलावे वाली ताकत पृथ्वी के ठंढा हो रहल अंदरूनी हिस्सा से आवे ले। भूबैज्ञानिक समय पैमाना पर देखल जाव त पछिला कई सौ करोड़ साल में सुपरमहादीप सभ टूट के बिलग होखे आ दुबारा एकट्ठा होखे के प्रक्रिया से गुजरल बाने। लगभग {{val|750|u=Mya}} (मिलियन (करोड़) साल पहिले), सभसे पुरान मालुम सुपरमहादीप रोडीनिया टूटे सुरू भइल। बाद में एकर हिस्सा 600–{{val|540|u=Mya}} के आसपास दोबारा जुड़ के पैनोटिया नाँव के सुपर महादीप बनवलें। एही तरीका से अंत में पैंजिया सुपरमहादीप बनल आ {{val|180|u=Mya}} के लगभग इहो टूट गइल<ref name=as92_324/> जेकर टुकड़ा वर्तमान समय के [[महादीप]] हवें सऽ।

[[बर्फानी जुग]] के वर्तमान पैटर्न {{val|40|u=Mya}} में सुरू भइल आ प्लीस्टोसीन काल, {{val|3|u=Mya}}, में अउरी पोढ़ भइल। ऊँच-अक्षांस वाला इलाका सभ में एकरे बाद से कई बेर बर्फानी जुग के ग्लेशियर निर्माण आ फिर इनहन के पघिलाव के घटना भइल बा आ लगभग हर 40,000–{{val|100000|u=साल}} में चक्र के रूप में अइसन भइल बा।  अंतिम महादीपी ग्लेशीयेशन करीबन 10,000&nbsp;साल पहिले भइल रहे।<ref name=psc/>