अशोक (खंड) के संपादन कइल जात बा

== योगदान ==

[[File:Sanchi2.jpg|thumb|middle|सांची के स्तूप]]

एगो बौद्ध राजा होला के नाते,अशोक मानत रहन की बुद्ध धरम आदमी,जानवर, पौधा सभ जीव जंतु खातिर निक बा, एही चलते उ ढेरे स्तूप आ बौद्ध भिख्छु के रहे खातिर घर बनववलें। अशोकवदन में लिखल बा कि अशोक बुद्ध के अवशेष के रखे खातिर ८४००० स्तूप बनाए के आदेश देले रहन। अशोक आपन बेटा [[महेंद्र]] आउर बेटी [[संघमित्रा]] के बौद्ध धर्म के परचार खातिर श्रीलंका भेजले रहन।

''' व्यवस्थापक के रूप में '''

[[File:MauryanRingstone.JPG|thumb|middle|मौर्य काल के एगो पत्थर]]

अशोक के सेना बरियार रहे, बाकिर बौद्ध धर्म के अपनवला के बाद, ऊ दक्षिण में तीन गो प्रमुख तमिल राज्य  चेरस, चोल आ पंड्या के जोरे संघतिया नियन संबंध बनईलन। हुनकर शिलालेखन में कहल गईल बा कि ऊ आपने राज्य आ पड़ोसी राज्यन में लोग आउर जानवरन के चिकित्सा खातीर प्रावधान कईले बाड़न। उ आम लोगन के लाभ खातीर सड़कन पऽ ईनार खोदववले आ पेड़ लगववले बाड़े।


''' जानवर सभ के कल्यान '''

अशोक के शीलालेखन में ई बात साफ लिखल गईल बा की जानवर सभ के दुख देवल केनियो ले नीक काम नईखे।<ref>https://en.m.wikipedia.org/wiki/Ashoka#CITEREFFitzgerald2004</ref> हालाकि ऊ गाय के मांस खाए पऽ रोक ना लगवले रहन।<ref>https://books.google.co.in/books?id=JwGZTQunH00C&pg=PA108&redir_esc=y#v=onepage&q&f=false</ref>

ऊ उ सभ चार गोड़ वाला जानवरन के मारे पऽ रोक लगा देले रहन जवना के ना कवनो इस्तेमाल रहे आउर ना खाईल जा सकत रहे। संगे-संगे कुछ बिशेष परजाति के चिड़ई आ जानवर के मारे पे रोक लगा देले रहन। एतने ना बलुक उ सभ मादा बकरी, सुअर आ भेड़ के मारे पऽ रोक रहे जवन आपन बच्चा के देखभाल करत होखे।

अशोक जानवर के मरला पऽ रोक लगवले रहन आ ओखिनी के इलाज ला अस्पतालो बनववले रहन। अशोक के घड़ी के मौर्य साम्राज्य दुनिया के गीनल चुनल साम्राज्य में आवेला जे आपन जानवर के नागरिक नियन राखत रहे।<ref>https://en.m.wikipedia.org/wiki/Special:BookSources/1590561066</ref>

''' अशोक चक्र '''

[[File:Ashoka Chakra.svg|thumb|middle|[[अशोक चक्र]]]]

[[अशोक चक्र]] धर्मचक्र के एगो चित्रण बा। एह में चौबीस गो तिली होखला। अशोक चक्र के जगह-जगह बनवावल गईल रहे। आज-काल अशोक चक्र सभ से जादे भारत के झंडा पऽ लउकेला। अशोक चक्र के भारत के झण्डा के उजरका पट्टी पऽ आसमानी रङ्ग से बनावल गईल बा। अशोक चक्र के [[अशोक स्तंभ]] पे भी देखावल गईल बा।

'''वास्तुकला '''

अक्सर अशोक के भारत में पत्थर पऽ वास्तुकला चालू करवाए के श्रेय दिहल जाला, जवन की संभवतः यूनानी सभ से सीखल गईल  रहे।<ref>[https://books.google.co.in/books?id=fpfTAgAAQBAJ&pg=PT21&redir_esc=y#v=onepage&q&f=false a]</ref> अशोक से पहिले घर आ मकान अस्थाई समान से बनत रहे जईसे लकड़ी, [[बांस]] आ खपड़ा।<ref>[https://books.google.co.in/books?id=TlVeuxIgjwQC&pg=PA14&redir_esc=y#v=onepage&q&f=false सी]</ref> [[पाटलिपुत्र]] में अशोक आपन लकड़ी के महल के पत्थर के बंववलें।<ref>Ashoka was known to be a great builder who may have even imported craftsmen from abroad to build royal monuments." Monuments, Power and Poverty in India: From Ashoka to the Raj, A. S. Bhalla, I.B.Tauris, 2015 p.18</ref>ओह महल के बनवावे में उ बिदेसी कारीगर के इस्तेमाल  कईले रहन।

''' अशोक स्तंभ '''

[[File:Ashok Sthamba.jpg|thumb|middle|[[लुंबिनी]],[[नेपाल]](जहवाँ बुद्ध जन्मल रहन) में बनवावल स्तम्भ]]

अशोक जगह जगह स्तंभ बनववले रहन। अईसे तऽ अशोक के ढ़ेरे स्तंभ होखे के चाहीँ लेकिन अभी खाली दसे गो बा। स्तंभ सभ के औसत ऊंचाई ४०-५० फीट आ वजन ५०,००० किलोग्राम बा। सँवसे स्तंभ सभ के बनारस में तरासल गईल रहे आ फिर जगह जगह ले जा के खड़ा कईल गईल रहे।स्तंभ सभ के खोज सोरहवाँ शताब्दी में थॉमस कॉर्यात  कईलें रहन।

''' सिंह चतुर्भुज स्तंभ शीर्ष '''

[[File:Sarnath capital.jpg|thumb|middle|भारत के राष्ट्रीय चिह्न]]

सिंह चतुर्भुज स्तंभ शीर्ष अशोक के [[सारनाथ]] के स्तंभ पऽ धईल रहे, बाकिर अब उ [[सारनाथ]] संग्रहालय में धईल बा।एकरा भारत के राष्ट्रीय चिन्ह के रूप में भी अपनावल गईल बा।