सिराहा जिला (खंड) के संपादन कइल जात बा

==समाज आ संस्कृति==
सिराहा जिला के समाज हिंदू बहुल समाज हवे। इहाँ [[हिन्दू धर्म|हिन्दू]], [[मुस्लिम धर्म|मुस्लिम]], [[बौद्ध धर्म|बौद्ध]] आ [[ईसाई धर्म|ईसाई]] लोग निवास करे ला। धार्मिक आधार पर देखल जाय त एगो सर्वे के अनुसार सिराहा जिला में [[मुसलमान]] लोग के जनसंख्या 47566 रहल जे कुल जनसंख्या के 7.46 प्रतिशत रहल।<ref>{{cite web|url=http://www.nmc.gov.np/site/cms/11 |title=National Muslim Commission |publisher=Nmc.gov.np |date=12 जनवरी 2017 |accessdate=31 जनवरी 2018}}</ref> जातीय हिसाब से इहाँ यादव, खत्वे, कायस्थ, कथवनिया, मलाह, नेवार, तामांग, अमात, कोइर, तेली, डोम, मुसहर, दुसाध, चमार, तत्मा, धोबी  आदि जाति के बहुलता देखल जाला।

लगभग सगरी हिंदू तिहुआर इहाँ धूमधाम से मनावल जालें जेह में [[होली]], [[दिपावली]], [[संक्रांति]], [[छठ]], [[करवा चौथ]] इत्यादि तिहुआर प्रमुख बाने।