भारत (खंड) के संपादन कइल जात बा

== भूगोल ==
{{मुख्य|भारत के भूगोल}}

[[चित्र:India topo big.jpg|thumb|alt=भारत के नक्शा। भारत के ज्यादातर हिस्सा पीयर रंग के बा (ऊँचाई 100-1000 मीटर)। दक्खिन आ बिचला-पूरब में कुछ हिस्सा भूअर रंग के बा (1000 मीटर से ऊपर)। प्रमुख नदी घाटी सभ हरियर रंग के बाड़ी (100 मीटर से नीचे)।|भारत के टोपोग्राफी]]
भारत, [[भारतीय प्लेट|भारतीय टेक्टॉनिक प्लेट]] के ऊपर स्थित बा, आ [[इंडो-ऑस्ट्रेलियन प्लेट]] के हिस्सा हवे।{{sfn|Ali|Aitchison|2005}} भारत के बर्तमान रूप के रचना करे वाली भूबिज्ञानिक प्रक्रिया सभ के सुरुआत अबसे 75 मिलियन बरिस पहिले भइल जब भातरीय प्लेट, ओह समय के [[गोंडवाना]] नाँव के महामहादीप के हिस्सा, अपना जगह से उत्तर-पूरुब ओर [[प्लेट टेक्टॉनिक्स|घुसुके]] सुरु कइलस। एकर वजह [[समुंद्रतल फइलाव]] रहल जे एकरा दक्खिन-पच्छिम में, आ बाद में, दक्खिन आ दक्खिन पूरुब में सुरू भइल।{{sfn|Ali|Aitchison|2005}} साथै-साथ, बिसाल आकार के [[टीथीज सागर|टीथियन]] [[समुंद्री क्रस्ट]], जे एकरा उत्तर-पूरुब में रहल, [[यूरेशियन प्लेट]] के नीचे [[धँसाव|धँसके]] सुरू हो गइल।{{sfn|Ali|Aitchison|2005}} ईहे दुन्नों प्रासेस, जवन पृथ्वी के [[मैंटल]] में चले वाली तरंग के परिणाम रहली, [[हिंद महासागर]] के निर्माण आ भारतीय [[महादीपी क्रस्ट]] के यूरेशिया के नीचे पेस के एह हिस्सा के ऊपर उठा के [[हिमालय]] के उठान, दुन्नों चीज के कारन बनली।{{sfn|Ali|Aitchison|2005}} भारतीय प्लेट के धँसाव जहाँ यूरेशियन प्लेट के नीचे होत रहे आ जवना से हिमालय के उठान होत रहल ओही इलाकाके ठिक दक्खिन में एगो बिसाल [[ट्रफ|दोना के आकार]] के धँसल हिस्सा के रचना भइल जे नदी सभ के ले आइल गाद-माटी से तेजी से भर गइल{{sfn|Dikshit & Schwartzberg|p = 7}} बर्तमान समय के [[सिंधु-गंगा मैदान]] के रूप लिहलस{{sfn|Prakash et al.|2000}} प्राचीन [[अरावली परबत]] द्वारा मैदान से बिलग होखे वाला पच्छिमी हिस्सा [[थार के रेगिस्तान]] के रूप में मौजूद बाटे।{{sfn|Dikshit & Schwartzberg|p = 11}}

मूल आ पुरान भारतीय प्लेट अब [[दक्खिन भारत|प्रायदीपीय भारत]] के रूप में बाँचल बाटे आ ई भारत के सभसे पुरान आ भूबिज्ञान के हिसाब से सभसे स्थाई हिस्सा हवे। ई उत्तर के ओर अपना बिस्तार में मध्य भारत के सतपुड़ा परबत श्रेणी आ बिंध्याचल परबत श्रेणी ले बिस्तार लिहले बाटे। ई दुनों, लगभग समानांतर श्रेणी, गुजरात राज्य के अरब सागर के तट से ले के झारखंड राज्य में मौजूद छोटानागपुर के पठार ले फइलल बाड़ी।{{sfn|Dikshit & Schwartzberg|p = 8}} दक्खिन में, बाकी के पठारी हिस्सा, [[दक्कन पठार]] अपना पच्छिम सीमा पर [[पच्छिमी घाट]] से आ पूरुब में [[पूरबी घाट]] नाँव के पहाड़ी कड़ी से बनल सीमा वाला बाटे;{{sfn|Dikshit & Schwartzberg|pp = 9–10}} पठार भारत के कुछ सभसे पुरान चट्टान वाला बाटे जेवना में से कुछ एक बिलियन बरिस से भी पुरान बाड़ी। एह प्रकार के संरचना वाला भारत बिसुवत रेखा के उत्तर में 8°4' आ 37°6' उत्तर अक्षांस{{efn|भारत के नियंत्रण में आवे वाला सभसे उत्तरी बिंदु बिबादित [[जम्मू काश्मीर]] के [[सियाचिन ग्लेशियर]] में एक ठो जगह बाटे; हालाँकि, [[भारत सरका]] पुरनका जम्मू काश्मीर राज के सगरी इलाका के आपन राज्यक्षेत्र माने ले, जेह में पाकिस्तान प्रशासित [[गिलगित-बालिस्तान]] इलाका भी बा। एही से, सरकार सभसे उत्तरी बिंदु 37° 6' के बतावे ले।}} आ 68° 7' से 97° 25' पूरबी देशांतर ले बिस्तार वाला बाटे।{{sfn|Ministry of Information and Broadcasting|2007|p = 1}}

[[चित्र:KedarRange.jpg|thumb|left|alt=चमकदार उज्जर बरब से तोपाइल पहाड़ के चोटी, नीला आसमान पाछे। बीच में, फोटो के दाहिने से एगो रिज आ के बीच में एगो काठी के निर्माण करत बाटे, कुछ छाया में। फोटो के सामने के हिस्सा में, सड़क के मोड़ देखात बाटे।|ग्रेटर हिमालय के केदार श्रेणी, [[केदारनाथ मंदिर]] के पाछे, [[उत्तराखंड]]।]]

भारत के समुंद्री तट के लंबाई {{Convert|7517|km|mi|-2}} बाटे; एकर {{Convert|5423|km|mi|-2}} लंबा हिस्सा प्रायदीपी भारत के हवे आ {{Convert|2094|km|mi|-2}} लंबा हिस्सा अंडमान निकोबार दीपसमूह आ लक्षदीप के टापू सभ के समुंद्र तट से बनल बाटे।{{sfn|Kumar|Pathak|Pednekar|Raju|2006}} भारतीय नेवी के हाइड्रोग्राफिक चार्ट सभ के मोताबिक भारत के मुख्य जमीन के समुंद्री किनारा, 43 % बलुआ ''[[समुंद्री बीच|बीच]]'' वाला; 11 % चट्टानी किनारा, जवना पर [[क्लिफ]] बाड़ी; आ 46 % [[कीच तट]] आ दलदली इलाका वाला बाटे।{{sfn|Kumar|Pathak|Pednekar|Raju|2006}}

भारत में बहे वाली प्रमुख हिमालयी नदी सभ में [[गंगा]] आ [[ब्रह्मपुत्र नदी|ब्रह्मपुत्र]] बाड़ी, दुन्नों [[बंगाल के खाड़ी]] में पानी छोड़े ली।{{sfn|Dikshit & Schwartzberg|p = 15}} गंगा के मुख्य सहायिका नदिन में [[यमुना]] आ [[कोसी नदी|कोसी]] बाड़ी; जहाँ कोसी बहुत कम ढाल वाला मैदान में बहे ले आ बेर-बेर आपन रस्ता बदले आ भयावन बाढ़ खातिर जानल जाले।{{sfn|Duff|1993|p = 353}} प्रायदीपी भारत के मुख्य नदी, जिनहन के ढाल तेज होखे से के कारन ई बाढ़ के परभाव से फिरी बाड़ी, [[गोदावरी]] [[महानदी]], [[कृष्णा नदी|कृष्णा]] आ [[कावेरी]] बाड़ी जे बंगाल के खाड़ी में गिरे ली;{{sfn|Dikshit & Schwartzberg|p = 16}} आ [[नर्मदा]] आ [[ताप्ती]] [[अरब सागर]] में गिरे ली।{{sfn|Dikshit & Schwartzberg|p = 17}} समुंद्र किनारे के हिस्सा में दलदली जमीन वाला [[कच्छ के रन]] पच्छिम में आ [[सुंदरबन]] के जलोढ़ मैदान पूरुब में बा; सुंदरबन के कुछ हिस्सा बंगलादेश में पड़े ला।{{sfn|Dikshit & Schwartzberg|p = 12}} भारत के हिस्सा में दू गो [[दीपमाला]] बा: [[लक्षदीप]], जे [[एटॉल|मूंगा के एटॉल]] हवे आ पच्छिमी किनारा से कुछ दूर पर बा; आ अंडमान आ निकोबार दीपसमूह, जे [[अंडमान सागर]] में [[ज्वालामुखी|ज्वालामुखी कड़ी]] के ऊपर बा।{{sfn|Dikshit & Schwartzberg|p = 13}}

[[भारत के जलवायु]] हिमालय आ थार के रेगिस्तान से बहुत प्रभावित बा, दुन्नों मिल के भारत खातिर आर्थिक आ सांस्कृतिक रूप से भी महत्वपूर्ण [[मानसून]] के संचालन में आपन परभाव छोड़े लें।{{sfn|Chang|1967|pp = 391–394}} हिमालय, बिचला एशिया के ठंढा [[कैटाबेटिक हवा]] सभ से बचाव करे ला आ इनहन के भारत में प्रवेश करे से रोके ला, भारत, एही अक्षांस वाला बाकी जगहन के तुलना में जाड़ा में गरम रहे ला।{{sfn|Posey|1994|p = 118}}{{sfn|Wolpert|2003|p = 4}} थार के रेगिस्तान, मानसून के हवा सभ के खींचे ला आ नमी से भरल ई हवा जून से अक्टूबर के बीच भारत के ज्यादातर हिस्सा में बरखा करे लीं।{{sfn|Chang|1967|pp = 391–394}} भारत में मुख्य रूप से चारि गो जलवायु प्रकार मिले ला: [[भारत के जलवायु#उष्णकटिबंधीय नम जलवायु|उष्णकटिबंधीय नम]], [[भारत के जलवायु#उष्णकटिबंधीय सूखल जलवायु|उष्णकटिबंधीय सूखल]], [[भारत के जलवायु#उप-उष्णकटिबंधीय नम जलवायु|उप-उष्णकटिबंधीय नम]], आ [[भारत के जलवायु#परबती|परबती]]।{{sfn|Heitzman|Worden|1996|p = 97}}