जाति के संपादन कइल जा रहल बा

{{Other uses|जाति (बहुअर्थी)}}
'''जाति''' [[भारत]] में लोगन के पैदाइश, ब्यवसाय, धार्मिक मान्यता, चाहे कौनों आदिवासी या जनजातीय समुदाय (ट्राइब) के सदस्यता के आधार पर बिभाजन हवे। एक तरह से ई अंग्रेजी के ''[[कास्ट]]'' नियर चीज हवे जवन ई बतावे ला कि कौनों समाज अंदरूनी रूप से कौनों न कौनों बिसेस आधार पर, चाहे कई गो आधारन पर, कई हिस्सा में बँटाइल बा। एही तरीका से, भारतीय समाज कइयन जाति सभ में बँटाइल बाटे। एह बँटवारा के कुछ बिसेस लच्छन सभ में: अपने जाति में बियाह, खान-पान आ सामाजिक संपर्क पर रोक; जाति सभ के ऊँच-नीच के भावना आ आपसी सामाजिक स्तर के भेदभाव; आपस में छुआछूत के भावना; आ आम जिनगी में जातिवादी भावना नियर लच्छन गिनावल जा सके लें।

जाति सभ के उत्पत्ती पुराना जमाना के वर्ण बेवस्था से मानल जाला। हालाँकि, पूरा भारतीय इतिहास में लगातार एह में किसिम-किसिम के बदलाव होखत रहल बाटे। आज्काल्ह के वर्त्तमान भारत में जाति बेवस्था के जवन रूप देखे के मिले ला ऊ मुग़ल शासन, मुग़ल शासन के पतन के दौर आ ब्रिटिश राज के दौर में भइल बदलावन के परिणाम हवे।

भारत में बिबिध स्तर पर सामाजिक-सांस्कृतिक आ राजनीतिक जिनगी जाती के पहिचान से परभावित बा। जाति के आधार पर कमतरी चाहे श्रेष्ठता के भावना, अपना जाति से भावनात्मक जुड़ाव आ एकरा चलते बिबिध निर्णय सभ पर पड़े वाला परभाव भारतीय समाज आ जिनगी के प्रमुख बिसेसता बा। जाति के आधार पर भेदभाव, जातिवाद, आ जाति बेवस्था के कारण होखे वाली कई किसिम के समस्या चिह्नित कइल गइल बाड़ी आ इनाहन के दूर करे खातिर कोसिस भारत के आजादी के आंदोलन के समय से चल रहल बा। जातीय बराबरी, कमजोर जाति सभ के मजबूत बनावे आ जातिवाद के भावना के दूर करे खातिर कोसिस सभ के लमहर इतिहास बा। जाति से जुड़ल मुद्दा सभ में जातिगत आरक्षण के बेवस्था सामाजिक-आर्थिक जीवन के एगो मुद्दा बाटे। राजनीतिक माहौल में जाति आ जाति के आधार पर वोटिंग आ जातिवादी राजनीति भारतीय राजनीति के एगो प्रमुख बिसेस्ता बाटे।

== परिभाषा आ लच्छन ==
भारत में ई सभके मालुम बा की ई समाज कई गो जाति सभ में बिभाजित बाटे, हालाँकि, जाति शब्द आ एकरे कांसेप्ट के सटीक तरीका से परिभाषित कइल बहुते मुश्किल काम बाटे।{{sfn|Blunt|p=1}}

==इहो देखल जाय==
* ''[[कास्ट]]''
* [[भारत में जाति व्यवस्था]]

==संदर्भ==
{{Reflist}}

== स्रोत ==
* {{cite book |last1=Blunt |first1=Sir Edward |title=The Caste System of Northern India |date=2010 |publisher=Gyan Publishing House |isbn=978-81-8205-495-0 |url=https://books.google.co.in/books?id=NenzO2grTOMC&newbks=1&newbks_redir=0&lpg=PP1&dq=caste%20system&pg=PA1#v=onepage&q=caste%20system&f=false |language=en}}
* {{cite book |last1=Pruthi |first1=Raj |title=Indian Caste System |date=2004 |publisher=Discovery Publishing House |isbn=978-81-7141-847-3 |url=https://books.google.co.in/books?id=rC1bJcd-MDUC&newbks=1&newbks_redir=0&lpg=PP1&dq=caste%20system&pg=PA5#v=onepage&q=caste%20system&f=false |language=en}}

[[श्रेणी:भारतीय समाज]]

{{समाज-आधार}}