बवंडर के संपादन कइल जा रहल बा

[[चित्र:Whirlwind example.jpg|230px|thumb|इस्कूल के मैदान में बनल [[धूरबवंडर]] एगो बहुत छोट साइज के बवंडर हवे]]
[[चित्र:Punta Gorda waterspout.jpg|230px|thumb|[[जलबवंडर]] (वाटरस्पाउट) पानी के सतह पर बने ला आ घुमरीदार हवा के साथे पानी ऊपर उठ के खम्हा नियर बन जाला।]]
[[चित्र:F5 tornado Elie Manitoba 2007.jpg|230px|thumb|[[टॉरनैडो]] बड़ साइज के आ खतरनाक बवंडर होला।]]
'''बवंडर''' ({{Lang-en|Whirlwind}}; ''व्हर्लविंड'') एगो मौसम संबंधी घटना हवे जेह में हवा के घुमरीदार बहाव के चलते धरती के सतह के ऊपर हवा, धूर-माटी आ कंजास के एगो घुमरीदार खम्हा नियर बन जाला। ई बवंडर अचानक कौनों अस्थान के गर्म होखे या बहुत छोट पैमाना पर अस्थिरता बिकसित होखे के कारन बने लें। इनहन के आकार बहुत छोट से ले के बड़हन तक ले हो सके ला। ई कौनों भी सीजन में बन सके लें आ लगभग पूरा दुनिया में ई घटना देखे के मिले ला। इनहन के बड़ रूप के कई बेर गलती से [[चक्रवात]] कह दिहल जाला हालाँकि मौसम बिज्ञान में चक्रवात मजिगर बड़ पैमाना (सिनाप्टिक स्केल) पर हवा के घुमरीदार बहाव के कहल जाला। कई बेर [[टॉरनैडो]] के भी बवंडर कहल जाला हालाँकि ई बवंडर के एगो प्रकार (किसिम) भर हवे। छोट बवंडर [[धूरबवंडर]] (''डस्ट डेविल'') होलें जे कौनों छोट मैदान में भी एक जगह से दुसरे जगह जात देख्लाई पड़ सके लें।

बिसाल बवंडर आ टॉरनैडो सभ से काफी नोकसान भी हो सके ला काहें कि इनहन में हवा के गति बहुत तेज हो सके ले आ अपना रास्ता में पड़े वाला लगभग हर चीज के उखार के उड़ा सके लें जेवना से काफी तबाही होला। सभसे ढेर टॉरनैडो उत्तर अमेरिका में आवे लें। भारत के पच्छिम बंगाल में आ बांग्लादेस में ई अप्रैल मई के महीना में मानसून से पहिले नार्वेस्टर के दौरान आवे लें।

{{clear}}
==संदर्भ==
{{Reflist|33em}}

[[श्रेणी:मौसम]]
[[श्रेणी:उष्णकटिबंधी चक्रवात]]

{{climate-stub}}