मनोबिज्ञान के संपादन कइल जा रहल बा

'''मनोबिज्ञान''', [[मन]] आ [[बेहवार]] के [[बिज्ञान]] हऽ, एह में सगरी सचेतन आ अचेतन अनुभव आ बिचार के सब पहलू के अध्ययन सामिल बा। ई एकेडमिक बिसय हवे आ [[सामाजिक बिज्ञान]]न में गिनल जाला। एह बिसय में कौनों सिंगल परानी (ब्यक्ति भा जानवर) या फिर अइसन परानी सभ के समूह के अध्ययन ''केस'' के रूप में भी कइल जाला आ अइसन ''केस स्टडी'' सभ के आधार पर आम नतीजा आ सिद्धांत भी बनावल जालें।

इतिहासी बिकास के क्रम में मनोबिज्ञान के परिभाषा भी बदलत रहल बा; आत्मा के बर्णन से सुरू हो के, मन के बिज्ञान, अनुभव (सचेत अनुभूति) के बिज्ञान, आ बिचार के बिज्ञान; आ अंत में बेहवार के बिज्ञान के रूप में परिभाषित कइल गइल बा।<ref name="कुमार">{{cite book|author=मिश्र, ब्रज कुमार|title=मनोविज्ञान : मानव व्यवहार का अध्ययन |url=https://books.google.com/books?id=AaMBs36iy2wC&pg=PA5|publisher=PHI Learning Pvt. Ltd.|isbn=978-81-203-3847-0|pages=5–}}</ref>

मनोबिज्ञान के अध्ययन करे वाला ब्यक्ति के मनोबैज्ञानिक कहल जाला। मनोबैज्ञानिक लोग के समाज बिग्यानी या बेहवार बिज्ञानी के रूप में भी देखल जा सके ला। मनोबैज्ञानिक लोग [[मानसिक फंक्शन]] सभ के ब्याक्तिगत आ सामाजिक बिचार-बेहवार पर परभाव के समझे के कोसिस करे ला।

मनोबिज्ञान के वर्तमान स्वरुप, एगो साइंस के रूप में, पच्छिमी बिचार, अध्ययन आ रिसर्च पर आधारित हवे हालाँकि कुछ बिद्वान लोग भारतीय मनोबिज्ञान के बात भी करे लें जे पच्छिमी मनोबिज्ञान से पहिले से मौजूद बा भले ई स्वतंत्र बिज्ञान के रूप में ना रहल बलुक [[दर्शन]] के शाखा के रूप में रहल।<ref name="Sharma2004">{{cite book|author1=शर्मा, रामनाथ |author2= रचना शर्मा |title=भारतीय मनोविज्ञान |url=https://books.google.com/books?id=zWLk9bJX8REC&pg=PA5|year=2004|publisher=Atlantic Publishers & Dist|isbn=978-81-7156-597-9|pages=5–7}}</ref>

{{clear}}
==संदर्भ==
{{Reflist|30em}}

[[श्रेणी:मनोबिज्ञान| ]]
[[श्रेणी:सामाजिक बिज्ञान]]

{{psych-stub}}