रामलीला के संपादन कइल जा रहल बा

[[चित्र:Ramnnagar Varanasi Ramlila.jpg|240px|thumb|alt=रामनगर के रामलीला के मंच पर के सीन|[[बनारस]] के बिस्वपरसिद्ध रामनगर रामलीला के एगो फोटो, 2018 में लिहल गइल]]
'''रामलीला''', मने की "[[राम]]" जी के "लीला", परंपरागत रूप से [[हिंदू धर्म]] के देवता [[राम|श्रीराम]] के जिनगी के कथा के नाटक के रूप में खेलल जाए वाला रूप हवे। ई गाँव-देहात के छोट-छोट मंच सभ से ले के शहरन में बड़हन प्रोफेशनल मंच सभ तक खेलल जाला। आमतौर पर एह कथा के आधार महर्षि [[वाल्मीकि]] के रचित संस्कृत महाकाव्य ''[[रामायण]]'' में बर्णित कथा हवे जेकर बिबिध रूप में बाद के रामकथा सभ के रूप में निरूपण भइल। [[तुलसीदास]] के ''[[रामचरितमानस]]'' आ पंडित राधेश्याम के रामायण के इस्तेमाल एह कथा के नाटक के रूप में खेले में कइल जाला। [[बनारस]] के रामनगर के रामलीला पूरा बिस्व परसिद्ध हवे। बनारस में लगभग पूरा शहरवे रामलीला के मंच के रूप में इस्तेमाल होला आ बनारस के बहुत सारा मोहल्ला सभ के नाँव एही रामलीला के ओह प्रसंग के नाँव पर रखा गइल हवें जे ओह जगह पर खेलल जाला।

ओइसे त रामलीला के आयोजन कबो कइल जा सके ला, परंपरागत समय [[कुआर]]-[[कातिक]] के महीना होला जेह में कुआर के [[नवरातर]] पड़े ला। एह रामलीला सभ के सभसे बड़ आयोजन [[दशहरा]] के दिने [[रावण]] के पुतला जरावे से होला, एकरे बाद [[दिपावली]] के राम के अजोध्या लवटे आ कातिक के पुर्नवासी के राम के राज्याभिषेक से एकर औपचारिक समापन होला।

साल 2008 में रामलीला के बैस्विक संस्था [[यूनेस्को]] द्वारा बिस्व धरोहर सभ में सामिल कइल गइल।<ref>{{cite web|title=UNESCO - Ramlila, the traditional performance of the Ramayana|url=https://ich.unesco.org/en/RL/ramlila-the-traditional-performance-of-the-ramayana-00110|website=ich.unesco.org|accessdate=27 सितंबर 2019|language=en}}</ref>

==इहो देखल जाय ==
* [[नवरातर]]
* [[दशहरा]]

==संदर्भ==
{{Reflist|33em}}

== बाहरी कड़ी ==
{{commons category|Ramlila}}
* [http://www.kashibanarasvaranasi.com/ramlila रामनगर के रामलीला संबंधी बिबरन] {{in lang|en}}

{{हिंदू धर्म बिसय}}

[[श्रेणी:राम]]
[[श्रेणी:हिंदू धर्म]]
[[श्रेणी:हिंदू रीति रिवाज]]

{{hinduism-stub}}