लाल किला के संपादन कइल जा रहल बा

{{Infobox Historic Site
| name = लाल क़िला<br>{{Nastaliq|لال قلعہ}}
| native_language = 
| image = Redfortdelhi1.jpg
| image_size = 280px
| caption = लाहौरी गेट के दृश्य
| designation1 = WHS
| designation1_offname = लाल किला परिसर
| designation1_date = ''2007'' <small>(31 वाँ सेशन)</small>
| designation1_number = [http://whc.unesco.org/en/list/231 231]
| designation1_criteria = ii, iii, vi
| designation1_type = सांस्कृतिक
| designation1_free1name = स्टेट पार्टी
| designation1_free1value = [[भारत]]
| designation1_free2name = क्षेत्र
| designation1_free2value = ''एशिया-प्रशांत''
| location = [[दिल्ली]], भारत
| built = 1648
| architect = उस्ताद अहमद लाहौरी
| architecture = भारतीय आर्किटेक्चर
| latitude = 28.656
| longitude = 77.241
| locmapin = India New Delhi
| map_caption = दिल्ली में लोकेशन
| coord_display = inline, title
}}
'''लाल किला''' [[भारत]] के राजधानी [[दिल्ली]] नगरे एगो इतिहासीक किला बाटे। ई किला मुगल शासक लोग के मुख्य निवासस्थान रहल, लमसम 200 बरिस ले जब ले कि 1857 मे अंतिम मुगल बादशाह के अंगरेज लोग देस निकाला ना दे दिहल। ई दिल्ली के बीचोबीच के इलाका मे बा आ इहाँ कए गो म्यूजियम स्थापित कइल गइल बाने। मुगल शासन काल मे ई खाली मुगल बादशाह लोग के बास करे के जगह भर ना रहल बलुक राजकाज से अउरी मुगल राजा लोग के पारिवारिक कारपरोज से जुड़ल आयोजन आ राजनीतिक घटना सभ के केन्दरो रहल, नगीचे के इलाका प एह जगह के बहुत परभाव भी रहल।<ref name="unesco_whl_entry" />

पाँचवाँ मुग़ल बादशाह [[शाह जहाँ]] द्वारा ई किला 1639 में बनवावल गइल जब किलेबंदी (देवाल आ गेट) के भीतर ऊ आपन राजधानी शाहजहानाबाद बसवलें।<ref name="Batra2008">{{cite book|author=N. L. Batra|title=Delhi's Red Fort by the Yamuna|url=https://books.google.com/books?id=wUMWAQAAMAAJ|accessdate=5 अगस्त 2012|date=2008|publisher=Niyogi Books}}</ref> लाल रंग के बलुआ पाथर से बनल होखे के कारन एकर नाँव लाल किला रखाइल। ई किला 1546 में इस्लाम शाह सूरी के बनवावल सलीमगढ़ किला के ठीक बगल में बाटे। शाही आवास के भवन  सभ एक कतार में बनल बाने आ ई एगो नहर के किनारे बनावल गइल बाने। एह नहर के ''नहर-ए-बहिश्त'' यानी "स्वर्ग के नहर" नाँव दिहल गइल रहे। किला के बनावट आ आर्किटेक्चर के परभाव एकरे बाद बने वाला कई गो किला आ भवन सभ पर पड़ल।<ref name="unesco_whl_entry" />

1747 में जब नादिरशाह के हमला भइल, किला के नक्काशी आ सजावट में लागल कीमती पाथर सभ के ब्यापक लूटपाट भइल। 1857 के बिद्रोह के बाद किला के अंदर संगमरमर के बनल ज्यादातर चीज सभ ब्रिटिश राज में बरबाद हो गइल।<ref name="auto">{{cite book|title=दि लास्ट मुग़ल |publisher=पेंगुइन|isbn=978-0-14-310243-4|page=7|author=विलियम डेलरिंपल |chapter=Introduction}}</ref> ब्रिटिश लोग एह किला के बाहरी मजबूत देवाल सभ भर बचावे के कोसिस कइल आ बाद में एह किला के तोपखाना (गैरिसन) के रूप में इस्तेमाल भइल।<ref name="auto" /> एही किला में ब्रिटिश लोग अंतिम मुगल बादशाह बहादुरशाह 'ज़फ़र' के सुनवाई भी कइल जेकरे बाद उनके देशनिकाला दे के 1858 में रंगून भेज दिहल गइल।<ref>{{cite book|last1=Gill|first1=M. S.|title=Trials that Changed History: From Socrates to Saddam Hussein|date=2007|publisher=Sarup & Sons|isbn=9788176257978|pages=297}}</ref>

वर्तमान में, हर साल भारत के आजादी के राष्ट्रीय परब स्वतंत्रता दिवस (15 अगस्त) पर भारत के परधानमंत्री किला के मुख्य दरवाजा पर तिरंगा फहरावे लें आ किला के प्राचीर से राष्ट्र के संबोधित करे लें।<ref name="business-standard.com">{{cite news |title=Singh becomes third PM to hoist flag at Red Fort for 9th time |newspaper=बिजनेस स्टैंडर्ड |url=http://www.business-standard.com/generalnews/news/singh-becomes-third-pm-to-hoist-flag-at-red-fort-for-9th-time/44355/ |date=15 अगस्त 2012 |accessdate=17 अगस्त 2012}}</ref>

2007 में लाल किला परिसर के [[यूनेस्को]] द्वारा [[बिस्व धरोहर स्थल]] के रूप में मान्यता दिहल गइल।<ref name="unesco_whl_entry">{{cite web |url=http://whc.unesco.org/en/list/231 |title=Red Fort Complex |work=World Heritage List |publisher=[[यूनेस्को]] बिस्व धरोहर केंद्र |accessdate=15 नवंबर 2009 }}</ref><ref>{{cite web|work=Lonely Planet |title=Red Fort was designated a UNESCO World Heritage Site in 2007 |url=http://www.lonelyplanet.com/india/delhi/greater-delhi/activities/historical-heritage-tours/small-group-tour |accessdate=4 August 2012 |url-status=dead |archiveurl=https://web.archive.org/web/20120429191400/http://www.lonelyplanet.com/india/delhi/greater-delhi/activities/historical-heritage-tours/small-group-tour |archivedate=29 अप्रैल 2012 }}</ref>

== नाँव ==
किला के वर्तमान चलनसार नाँव, हिंदुस्तानी भाषा में '''लाल क़िला''' हवे। अंगरेजी में एकरा के ''रेड फ़ोर्ट'' कहल जाला ले "लाल किला" के अनुवाद हवे। मूल रूप से, मुगल बादशाह लोग के आवास रहल एह किला के "क़िला-ए-मुबारक़" नाँव रहल।<ref name="Spellman2004">{{cite book|author=William M. Spellman|title=Monarchies 1000–2000|url=https://books.google.com/books?id=MRbExiEuYPsC|accessdate=5 August 2012|date=1 April 2004|publisher=Reaktion Books|isbn=978-1-86189-087-0}}</ref><ref name="KiaOakes2002">{{cite book|author1=Mehrdad Kia|author2=Elizabeth H. Oakes|title=Social Science Resources in the Electronic Age|url=https://books.google.com/books?id=yF8kiCtBeLoC|accessdate=5 August 2012|date=1 November 2002|publisher=Greenwood Publishing Group|isbn=978-1-57356-474-8}}</ref> एकरे अलावा, आगरा के किला के भी "लाल किला" कहल जाला।

== प्रमुख भवन आ संरचना ==
किला के सभसे प्रमुख चीज जे ठीक से बचल बा ओह में किला के देवाल आ प्राचीर, मेन गेट, कुछ हाल आ नदी के पूरबी किनारा पर बनल आवासी भवन बाने।<ref>{{cite web |title=World Heritage Site – Red Fort, Delhi |publisher=भारतीय पुरातत्व सर्वेक्षण बिभाग |url=http://asi.nic.in/asi_monu_tktd_delhi_redfort.asp |accessdate=15 अगस्त 2012}}</ref> किला के अंग के रूप में, आ किला के भीतर मौजूद भवन आ बिल्डिंग सभ में से कुछ प्रमुख के बिबरन नीचे दिहल जा रहल बाटे:

=== लाहौरी गेट ===
[[File:Red Fort in Delhi 03-2016 img1.jpg|thumb|alt=लाल बलुआ पाथर के बनल किला के गेट|दिल्ली गेट, बनावट में ई लाहौरी गेट से बहुत समानता वाला बा]]
लाहौरी गेट, लाल किला के मुख्य दरवाजा हवे, नाँव एह कारन रखल गइल बा कि ई लाहौर के ओर मुँह कइले बाटे।
औरंगजेब के समय में एह दरवाजा के सामने वाला हिस्सा में सुरक्षा खातिर एगो अउरी देवाल बना दिहल गइल। एह नया निर्माण खातिर शाहजहाँ के कहनाम रहल कि "सुघर दुलहिन के मुँह पर पर्दा डाल दिहल गइल"।<ref name=fanshawe>{{Cite book|author=Fanshawe.H.C|title= Delhi, Past and Present|accessdate=10 June 2009|url=https://books.google.com/books?id=vJ4HFt5S8CcC&pg=PA6&dq=Gates+in+Delhi#PPA46-IA1,M1|work=general introduction|pages=1–8|publisher= Asian Educational Services|year= 1998|isbn= 978-81-206-1318-8}}</ref><ref>Sharma p.143</ref><ref name = Milli>{{cite web|url=http://www.milligazette.com/Archives/2004/01-15Jun04-Print-Edition/011506200496.htm|title= Dilli's gates and windows |accessdate=17 May 2009|author=Mahtab Jahan|publisher= MG The Milli Gazette Indian Muslims leading new paper|year=2004}}</ref> भारत के आजादी (1947) के बाद से एही गेट पर 15 अगस्त के तिरंगा झंडा फहरावल जाला आ भारत के परधानमंत्री इहाँ से देस के संबोधित करे लें।

=== दिल्ली गेट ===
दिल्ली दरवाजा, किला के दुसरा प्रमुख दरवाजा हवे। ई दक्खिन मुँह के बा आ अपना बनावट में बहुत कुछ लाहौरी गेट के नियन बाटे। एह दरवाजा के दूनो ओर एकहक ठो बड़हन आकार के हाथी बनल बाने। 1903 में लार्ड कर्जन इनहन के मरम्मत करववले रहलें जबकि इनहन के औरंगजेब के समय में गिरवा दिहल गइल रहल।<ref>{{cite web|url=http://asi.nic.in/asi_monu_tktd_delhi_redfort_detail.asp|title=World heritage site| work = Asi.nic.in}}</ref>

=== छत्ता चौक ===
छत्ता चौक मूल रूप से बजार के रूप में बनावल गइल रहेल ई लाहौरी गेट के बगल में बा आ एकरा सोझा खुला मैदान नियर बाटे। मुगल दौर में इहाँ शाही भवन में निवास करे वाला लोग के खातिर रेशम, गहना-गुरिया आ अउरी कई तरह के सामान सभ के बजार लागे। बजार के आगे मैदान आ ओकरे बाद उत्तर-दक्खिन के एगो सड़क बा। ई सड़क किला के दू हिस्सा में बाँटे ले, पच्छिमी हिस्सा मलेटरी सरंजाम खातिर इस्तेमाल होखे आ पूरबी हिस्सा आवास के रूप में रहल। एही सड़क के दक्खिनी छोर पर दिल्ली गेट बाटे।

=== नौबत खाना ===
[[File:Naubat Khana Red Fort 1857.jpg|thumb|left|alt=महल के एगो हिस्सा के फोटो, 1857 के बिद्रोह के बाद |नौबत खाना आ एकर अँगनाईं, 1858 के फोटो, ब्रिटिश लोग द्वारा एकरे ढाहले से पहिले]]
छत्ता चौक के किलेबंदी वाली देवाल भीतर के हिस्सा में जहाँ खतम होला ओकरे आगे ई भवन बा। नौबतखाना भा नक्कारखाना के नाँव से जानल जाला।<ref name="archive1">{{cite web|url=https://archive.org/stream/handbooktravelle00john#page/196 |title=A handbook for travellers in India, Burma, and Ceylon |publisher=Archive.org |date= |accessdate=2014-01-03}}</ref> 1857 के बिद्रोह के बाद एकरे बगल वाली बाँह आ साम्हने के तालाब के ढाह दिहल गइल रहे।

=== दीवाने-आम ===
[[File:Diwan-i-Aam, Red Fort, Delhi.JPG|thumb|दीवाने आम, पब्लिक सुनवाई के हाल]]
नक्कार खाना से हो के एह अंदरूनी हिस्सा में जाइल जाला जहाँ आम जनता के सुनवाई खातिर दरबार रहल। ई {{convert|540|ft}} चाकर आ {{convert|420|ft}} गहिराई वाला हिस्सा बाटे, चारों ओर गैलरी बा जेह में पहरेदारी होखे।<ref name="archive1" /> एकरे सभसे अंदरूनी हिस्सा में पब्लिक के सुनवाई होखे।
हाल के खम्हा आ हाल के सफेद ''चुनाम'' से सजावट कइल गइल रहे।<ref name="archive1" /> एकरे पछिला हिस्सा में झरोखा बा जहाँ से बादशाह जनता के दर्शन दें।

दीवाने-आम के इस्तेमाल राजकाज के काम खातिर भी होखे। एकरे आगे के अँगनाई के बाद मरदाना हिस्सा बाटे आ एकरे बाद आवास वाला हिस्सा शुरू होला।

==इहो देखल जाय==
* [[क़ुतुब मीनार]]
* [[इलाहाबाद किला|इलाहाबाद के किला]]

==संदर्भ==
{{Reflist|30em}}

==बाहरी कड़ी==
{{Commons|Red Fort|लाल किला}}
*[http://www.delhitourism.nic.in/delhitourism/tourist_place/red_fort.jsp लाल किला],दिल्ली पर्यटन {{In lang|hi}}

{{Authority control}}

{{Delhi landmarks}}
{{Forts in India}}
{{World Heritage Sites in India}}
{{Mughal Empire|state=collapsed}}

[[श्रेणी:दिल्ली]]
[[श्रेणी:भारत के किला]]
[[श्रेणी:मुगल आर्किटेक्चर]]