सरजू नदी के संपादन कइल जा रहल बा

'''सरजू''' (अउरी नाँव - सरयू नदी, घाघरा नदी, सरजू मइया) [[हिमालय|हिमालय पर्वत]] से निकले वाली आ उत्तरी [[भारत]] की [[गंगा मैदान]] में बहेवाली एगो [[नदी]] ह जेवन [[नेपाल]] से भारत में प्रवेश करेले आ [[बलिया]] आ [[छपरा]] की बीच में [[गंगा]] नदी में मिल जाले। [[हिन्दू धर्म]] में [[अवतार]] मानल जाए वाला [[राम|भगवान राम]] के जनम एही सरयू नदी की तीरे [[अयोध्या|अजोध्या]] में भइल रहे। अपनी ऊपरी हिस्सा में ई नदी दू गो धारा में पहिचानल जाले [[काली]] आ [[करनाली]] (घाघरा) जिनहन की संगम की बाद ए के सरयू या घाघरा कहल जाला। थोड़ी दूर बाद ए में [[शारदा]](नेपाल में नाँव: महाकाली) नदी मिल जाली। भारत में ई नदी पूरा रास्ता भर [[उत्तर प्रदेश]] में बहेले आ अंत में थोड़ी दूर ले उत्तर प्रदेश आ [[बिहार]] क सीमा बनावेले।

सरजू नदी क प्रमुख सहायक नदी [[राप्ती]] हवे जेवना की तीरे [[गोरखपुर]] नगर बसल बा आ ई [[बरहज]] की लगे सरजू जी में मिल जाले। राप्ती की आलावा अउरी कई गो छोट-बड़ नदी ए में मिलेली।

सरजू जी अपनी विशाल जलराशि खातिर जानल जाली आ निचला हिस्सा में कबो-कबो [[बाढ़ि]] आवेले। लखीमपुर-खीरी जिला में ई नदी [[दुधवा बाघ अभयारण्य]] से हो के गुजरेली आ हाले में [[सूँस]] की संरक्षण खातिर एहू नदी में कोसिस कइल जात बा। 
इय के नजदीका शहर के नाम [[फैजाबाद]],[[राजेसुल्तानपुर]] ,टाँन्डा है
[[राम नवमी]] के अजोध्या जी में लाखन लोग सरजू जी में अस्नान करे आवेला।

{{clear}}
==संदर्भ==
{{Reflist|33em}}

{{Waters of South Asia}}
{{Hydrography of Uttar Pradesh}}

[[श्रेणी:भारत के नदी]]
[[श्रेणी:गंगा के सहायिका]]
[[श्रेणी:उत्तर प्रदेश के नदी]]
[[श्रेणी:एशिया के इंटरनेशनल नदी]]
[[श्रेणी:नेपाल के नदी]]

{{नदी-आधार}}