https://bho.bharatpedia.org/w/index.php?action=history&feed=atom&title=%E0%A4%8F%E0%A4%95%E0%A4%A6%E0%A4%BF%E0%A4%B5%E0%A4%B8%E0%A5%80%E0%A4%AF_%E0%A4%85%E0%A4%82%E0%A4%A4%E0%A4%B0%E0%A4%BE%E0%A4%B7%E0%A5%8D%E0%A4%9F%E0%A5%8D%E0%A4%B0%E0%A5%80%E0%A4%AFएकदिवसीय अंतराष्ट्रीय - बदलाव इतिहास2026-08-28T05:40:10Zविकि पर एह पन्ना के संशोधन के इतिहासMediaWiki 1.43.6https://bho.bharatpedia.org/w/index.php?title=%E0%A4%8F%E0%A4%95%E0%A4%A6%E0%A4%BF%E0%A4%B5%E0%A4%B8%E0%A5%80%E0%A4%AF_%E0%A4%85%E0%A4%82%E0%A4%A4%E0%A4%B0%E0%A4%BE%E0%A4%B7%E0%A5%8D%E0%A4%9F%E0%A5%8D%E0%A4%B0%E0%A5%80%E0%A4%AF&diff=6598&oldid=prevImportMaster: robot: Import pages using विशेष:आयात2022-04-23T16:16:12Z<p>robot: Import pages using <a href="/wiki/%E0%A4%B5%E0%A4%BF%E0%A4%B6%E0%A5%87%E0%A4%B7:%E0%A4%86%E0%A4%AF%E0%A4%BE%E0%A4%A4" title="विशेष:आयात">विशेष:आयात</a></p>
<p><b>नया पन्ना</b></p><div>'''एकदिवसीय अंतराष्ट्रीय''' सीमित ओवर के [[क्रिकेट]] के एगो रूप हऽ, जेह मे दुन्नी दल 50 ओवर बल्लेबाजी आ 50 ओवर गेदंबाजी करेला, आ पूरा मैच आठ घंटा चलेला। चार बरीस प होखे वला विश्वकप इहे प्रारूप मे खेलल जाला। सीमित ओवर के [[क्रिकेट]] मे एकदिवसीय अंतराष्ट्रीय संगे ट्वेन्टी-20 अंतरराष्ट्रीय क्रिकेटो आवेला जवना मे दुन्नो टीम 20-20 ओवर खेलेला।<br />
<br />
एकरा खेले के सुरुआत 20वा शताब्दी बीचे भइल, अंतराष्ट्रीय स्तर प पहिलका बेरा ई 5 जनवरी 1971 के [[मेलबोर्न क्रिकेट ग्रांउड]] प ऑस्ट्रेलिया आ इंग्लैंड के बीच मे भइल रहे, जब सीरीज के तिसरका टेस्ट मैच के पहिलका तीन दिन बनी भइल। मैच के रद्द करे के बदल 40 ओवर (एक ओवर मे आठ गेना) के मैच करवावे के निर्णय लिहल गइल। ओह मैच के ऑस्ट्रेलिया 5 बिकेट से जीत लिहलस। ऊ मैच उज्जर कपड़ा आ लाल गेना से भइल रहे।<br />
<br />
1970 के दसक मे, केरी पैकर विश्व सीरीज क्रिकेट चालू कइलन, जेह मे आज के एकदिवसीय अंतराष्ट्रीय क्रिकेट के मय गुन रहे। कपड़ा रंगीन होखत रहे, मत मैच सभ राति खानि उज्जर गेना से आ करिया साइट स्क्रीन लगा के होखत रहे। रंगीन कपड़ा मे पहिलका मार्च 17 जनवरी 1979 के वीएससी ऑस्ट्रेलियंस आ वीएससी वेस्ट इंडियंस मे भइल रहे। एकरा से आस्ट्रेलिया के चैनल 9 के क्रिकेट के सभ प्रसारण अधिकार भेंटा गइल आ क्रिकेटर लोग के मैच खेले ला पइसा मिले लागल जेह से ऊ लोग क्रिकेट के बहरी नोकरी जोहे के गरज ना पड़ल। गते गते रंगीन कपड़ा आ उज्जर गेना के परयोग सिमित ओवर के क्रिकेट के बेसि होखे लागल आ 2001 मे लाल गेना आ उज्जर कपड़ा से सिमित ओवर के खेल होखल बन हो गइल।<br />
<br />
[[File:MCG under lights.jpg|thumb|मेलबोर्न क्रिकेट ग्रांउड प एकदिवसीय अंतराष्ट्रीय मैच, राति खानि खेलल जाता]]<br />
<br />
== नियम ==<br />
<br />
एकदिवसीय अंतराष्ट्रीय मैचन मे एगो टीम सिमित ओवर ले बल्लेबाजी आ गेंदबाजी कर सकेला, पहिले के जमाना मे ई 60 ओवर के होत रहे, एकरे अलावे 40, 45 आ 55 ओ ओवर मे मैच भइल बा, आज ई 50 ओवर के होखेला।<br />
<br />
[[File:India vs Pakistan @ Edgbaston (9393429152).jpg|thumb|भारत आ पाकिस्तान के एगो मैच]]<br />
<br />
एकदिवसीय अंतराष्ट्रीय खेल के नियम नीचे दिहल बा:<br />
<br />
* एगो खेल मे दुगो टीम खेकेला, हर टीम के एगारह गो खेलाड़ी होला।<br />
* दुन्नो कपतानन मे से जे टॉस जितेला ऊ बैटिंग चाहे बॉलिंग लेवेला।<br />
* पहिले बैटिंग करे वला टीम एगो लक्ष्य निर्धारित करेला, जवन दोसरका टीम के जिते बदे बनावे के पड़ेला। <br />
* इनींग तब खतम होला जब 50 ओवर पूरा जाला चाहे तीन ऑलआउट हो जाला।<br />
* एगो गेंदबाज 10 ओवर से बेसि बॉलिंग ना कर सके, एही से एगो टीम के कम से कम पांच गो गेंदबाज से गेंदबाजी करवावे के पड़ेला। जदि बुनि के चलते ओवर कम कऽ दियाला तऽ कुल ओवर के 20% ओवर एगो गेंदबाज कर सकेला।<br />
* बाद मे बैटिंग करे वला टीम पहिले बैटिंग करे वला टीम से बेसि रन बनावे के प्रयास करेला आ बाद मे बॉलिंग करे वला टीम ओकरा रोके के प्रयास करेला।<br />
* जदि खेल के अंत मे दुनो टीम के रन बराबर रहेला तऽ खेल टाई हो जाला।</div>ImportMaster