ImportMaster: robot: Import pages using विशेष:आयात

2022-04-11T09:08:11Z

नया पन्ना

{{Infobox television
| show_name = छोटा भीम
| image =
| show_name_2 = लिटल भीम, भीम
| genre = कॉमेडी, एक्शन, एडवेंचर
| writer = (सीजन 1,2,3,4 2007-2010) राज विश्वनाथ
| opentheme = "छोटा भीम"
| endtheme = "छोटा भीम"
| country = [[भारत]]
| language = [[अंग्रेजी]], [[हिंदी]], तमिल
| num_seasons = {{Plainlist |
* सीजन 1 (2008-09)
* सीजन 2 (2009-10)
* सीजन 3 (2011-12)
* सीजन 4 (2012-13)
* सीजन 5 (2013-14)
* सीजन 6 (2014-15)
* सीजन 7 (2015–बर्तमान)
}}
| num_episodes = 425 भाग 26 फिलिम<ref>{{cite news|url=http://www.business-standard.com/article/companies/green-gold-plans-chhota-bheem-movie-112080200074_1.html|accessdate=अगस्त 20, 2016|title='Chhota Bheem No. of episodes & movies , aired and planned as in August 2012, for future.}}</ref>
| runtime = 12 मिनट
| company = ग्रीन गोल्ड एनिमेशन
| distributor = ग्रीन गोल्ड एनिमेशन
| channel = [[पोगो टीवी]]
| first_aired = 2008
| last_aired =
| website = http://www.chhotabheem.com/
| production_website = http://www.greengoldstore.com/
}}
'''छोटा भीम''' कामेडी आ एडवेंचर आधारित कहानी वाला एगो भारतीय एनीमेशन सीरीज बा जे [[पोगो टीवी]] पर प्रसारित होला। एकर प्रसारण साल 2008 में सुरू भइल। एकर निर्माता राजीव चिलाका बाने।

छोटा भीम एनीमेशन कार्टून के कहानी एह सीरीज के हीरो भीम नाँव के लइका आ उनके दोस्त सभ के कारनामा पर आधारित होला। ई सभ पात्र ढोलकपुर नाँव के एगो काल्पनिक राज्य (गाँव) के निवासी हवे लोग। सीरीज के मुख्य चरित्र सभ में भीमा के अलावा, छुटकी, राजू, जग्गू (बंदर), कालिया, आ ढोलू अउरी भोलू बा लोग।

==कहानी==
एह एनीमेशन के कहानी ढोलकपुर नाँव के एगो काल्पनिक गाँव में मौजूद राज्य के बारे में बा जे भारत के कौनों देहात के इलाका में कल्पित कइल गइल बा। एह गाँव में भीम नाँव के लइका रहे लें जिनके छोट उमिर (9 साल) के कारन छोटा भीम भी कहल जाला। भीम एगो ताकतवर आ बहादुर लइका हऽ। भीम के हारातुजी में कालिया नाँव के लइका रहे लें जे भीम से इरखा करे लें आ हमेशा भीम से अपना के आगे देखावे से कोसिस में लागल रहे लें।

== प्रमुख किरदार ==
एह एनीमेशन कहानी में कुछ प्रमुख किरदार बाड़ें जे लगभग हर एपिसोड में रहे लें। इनहन लोग के संछेप में परिचय दिहल जा रहल बा:

=== भीम ===
भीम भा छोटा भीम, जे एह सीरीज के मुख्य किरदार आ हीरो हवें। ई एगो लइका हवे जे सुभाव से निडर, साहसी आ एडवेंचर (नया रोमांचक काम) में रूचि रखे वाला बाने। भीम अपना उमिर के लइका सभ के तुलना में बहुत ताकत वाला भी हवे। भीम के सभसे पसंद के चीज लड्डू हवें आ लड्डू खाए के बाद इनके ताकत अउरी कई गुना बढ़ जाला। लड्डू के प्रेम भीम के अतना हवे कि ऊ अक्सर टुनटुन मौसी, जे लड्डू बनावे आ बेचे ली, के दुकान से लड्डू चोरा लेलें जेह पर मौसी अक्सर भीम से नराज रहे ली। अक्सरहा ई लड्डू मौसी के लइकी छुटकी ले आ के भीम के देले।

भीम के भेसभूसा में धोती बा जे नारंगी भा केसरिया रंग के बाटे। एकरे अलावा भीम के लिलार पर तिलक (टीका) रहे ला। एह तरीका से भीम अपना ताकत आ बुद्धिमानी से ढोलक पुर के संकट से उबारे के काम करे लें।

=== छुटकी ===
छुटकी एगो लइकी हवे। चंचल छुटकी ढोलकपुर के एह सभ लइका-लइकिन में सभसे बुधिमान हवे आ छींटदार फ्राक पहिरे ले। छुटकी के झोला में लड्डू रहे ले जे जरूरत पर भीम के कामे आवे लें। छुटकी असल में टुनटुन मौसी के बेटी हवे आ दूकान में लड्डू बनावे में भी मदद करे ले।

=== राजू ===
राजू एह सीरीज के प्रमुख किरदार में से एक हवें। राजू चार साल के एगो लइका हवे जे भीम के आपन रोल माडल माने ला। राजू के खासियत जबरजस्त निशानेबाज भइल हवे आ तीर चलावे में ऊ 'अर्जुन कप' जित चुकल हवें। राजू के गुस्सा बहुत जल्दी आवे ला खासतौर प तब जब कुछ गलत होखत होखे या राजू के केहू रिगावे। राजू के कपार पर बार बहुत कम हवे बाकी एह बात के मजाक बनावल ओकरा एकदम्मे ना पसऽन परे ला।

=== जग्गू ===
जग्गू बंदर एगो बानर हवे। ई भीम आ राजू, छुटकी के दोस्त हवे आ बोल सके ला। एकरे अलावा ऊ जंगल के जानवर सभ से भी बतिया सके ला। कई बेर जंगल में ई भीम खाती बहुत मददगार साबित होला। जग्गू के केला पसंद हवे। सीरीज के कई गो कहानी मुख्य रूप से जग्गू पर आधारित बाड़ी स। उदाहरण खाती एगो कहानी में जग्गू के पोंछ बुरी चुडैल चोरा ले जाले बाद में ओकरा के सब लोग मिल के हासिल करे ला अच्छी परी ओकरा के दुबारा जोड़ देवे ली।

==प्रोडक्शन==
===डेवलपमेंट===
राजिव चिलका आपन खुद के काम के रचना कइल चाहत रहलें जेह पर उनके खुद के बौद्धिक संपदा अधिकार होखे, न कि दुसरे कंपनी सभ खाती काम कइल चाहत रहलें जहाँ उनके काम के बौद्धिक अधिकार कौनों दूसर कंपनी के लगे चल जाय। एही क्रम में ऊ आपन खुद के एनीमेशन स्टूडियो अस्थापित कइलें जेकर नाँव गईं गोल्ड एनीमेशन रहल आ अस्थापना साल 2001 में भइल। उनके बहुत संघर्ष करे के परल काहें से कि कौनों टीवी चैनल भारतीय एनीमेशन के प्रसारण करे खाती तइयार ना रहल बलुक सगरी चैनल बिदेसिये एनीमेशन के ओर झुकाव वाला रहलें। जब ई कंपनी भारतीय कथा सभ पर आधारित ''बिक्रम बैताल'' आ ''कृष्णा'' के एनीमेशन सीरिज के प्रोडक्शन कइलस, केहू तरे पोगो टीवी एकरे प्रसारण खाती तइयार भइल।

दिमाग में कांसेप्ट आवे के लगभग पाँच साल बाद छोटा भीम पहिली बेर टीवी पर साल 2008 में पोगो टीवी पर देखलाई पड़ल।<ref name=movies2012>{{cite news|url=http://www.business-standard.com/article/companies/green-gold-plans-chhota-bheem-movie-112080200074_1.html |accessdate=जनवरी 16, 2014 |title='Chhota Bheem No. of episodes & movies, aired and planned as in August 2012, for future. |archive-url=https://web.archive.org/web/20160125193109/http://www.business-standard.com/article/companies/green-gold-plans-chhota-bheem-movie-112080200074_1.html |archive-date=2016-01-25 |url-status=dead |df= }}</ref> ई सफल भइल आ प्रसारण जारी रहल।<ref name="Balakrishnan2016">{{cite web | last=Balakrishnan | first=Ravi | title=How homegrown hero Chhota Bheem took on Mickey, Spidey, Oggy, and won | website=The Economic Times | date=25 May 2016 | url=http://economictimes.indiatimes.com/magazines/brand-equity/how-homegrown-hero-chhota-bheem-took-on-mickey-spidey-oggy-and-won/articleshow/52414497.cms | accessdate=3 November 2016}}</ref> राजिव चिल्का के फाइनेंस करे वाला में समीर जैन बाड़ें जे मेरठ के जैन-अग्रवाल बिजनेस परिवार से हवें।

===परभाव===
राजीव चिलका के एह सीरिज पर कई किसिम के परभाव देखल जा सके ला। कहानी के हीरो एक ठो कम उमिर के लइका बाड़ें जिनके अंदर एडवेंचर के भावना बा आ ''[[महाभारत]]'' के बलवान पात्र भीम के नाँव पर एह लइका के नाँव रखल गइल बा जे एकरे बलशाली होखे के ओर इशारा करत बाटे। चिलका पर डिज्नी के एनीमेशन सीरीज दि एडवेंचर्स ऑफ टिनटिन, अमर चित्रकथा आ अउरी कई सुपर हीरो सभ के परभाव भी देख्लाई पड़े ला जे चिलका के बचपन के ज़माना में कॉमिक्स के रूप में छपें।<ref name="Balakrishnan2016"/>

===प्रसारण===
भारत में एह सीरिज के प्रसारण पोगो टीवी पर होला। अगस्त 2011 तक ले एकर करीब 200 एपिसोड, 29 फिलिम रिलीज आ परसारित हो चुकल बाड़ें।
<ref>{{cite news|title=Chhota Bheem comes of age|url=http://www.dnaindia.com/lifestyle/column_chhota-bheem-comes-of-age_1580434|publisher=DNA India|accessdate=20 मई 2012|date=28 अगस्त 2011}}</ref>

;बिदेस में
ई शो भारत के अलावा कई देस सभ में परसारित भ चुकल बा। श्रीलंका में ई सिरसा टीवी पर परसारित भइल आ एकर नाँव "चंडी" रहल।<ref>{{cite web|url=http://www.sinhalacartoon.co/81-chandi-sinhala-cartoon |title=Home - domain expired |publisher=Sinhalacartoon.co |date= |accessdate=2018-08-27}}</ref> एकरे अलावा ई पाकिस्तान में कार्टून नेटवर्क आ पोगो टीवी पर परसारित भइल। वर्तमान में ई पाकिस्तान, अफगानिस्तान आ ईरान में परसारित हो रहल बा।

{{clear}}
==संदर्भ==
{{Reflist|35em}}

[[श्रेणी:भारतीय एनीमेटेड टीवी सिरीज]]
[[श्रेणी:भारतीय एनीमेशन]]
[[श्रेणी:लइकन खातिर एनीमेशन सिरीज]]

छोटा भीम - बदलाव इतिहास

ImportMaster: robot: Import pages using विशेष:आयात