ImportMaster: robot: Import pages using विशेष:आयात

2022-04-03T08:14:54Z

नया पन्ना

[[Image:Mississippi Delta 1976.jpg|thumb|300px|मिसिसिपी नदी के पंजाकर डेल्टा एवल्शन के परिणाम हवे]]
नदी के '''धारा बदलाव''' या '''एवल्शन''' <small>({{Lang-en|[[:en:Avulsion (river)|Avulsion]]}})</small> एगो भूआकृतिक आ भूबैज्ञानिक घटना हवे जेवना में नदी तेजी से आपन पुरान [[नदी चैनल|बहाव के धारा]] छोड़ के नई धारा के रूप में बहे लागे ले। ई अक्सर तब होला जब पुरान चैनल के ढाल एतना कम होखे की नदी में मौजूद [[अवसाद]] के एकट्ठा भइला से भर जाय आ नदी के दूसर ढाल वाला रास्ता पर बहे के पड़े।<ref name="SlingerlandSmith">{{cite journal|doi=10.1130/0091-7613(1998)026<0435:NCFAMR>2.3.CO;2|title=Necessary conditions for a meandering-river avulsion|year=1998|last1=Slingerland|first1=Rudy|last2=Smith|first2=Norman D.|journal=Geology|volume=26|pages=435–438|url=http://geology.gsapubs.org/content/26/5/435.abstract|issue=5|bibcode = 1998Geo....26..435S }}</ref>

नदी धारा के बदलाव के घटना बहुतायत में देखल जाले जब नदी अपने [[डेल्टा]] के हिस्सा में बहेले। डेल्टा वाला हिस्सा में नदी के ढाल बहुत कम हो जाला आ जब अवसाद जमा होला तब अक्सर नदी पुरान बहाव के मार्ग छोड़ के नया रास्ता से बहे लागे ले। एकर के डेल्टा बदलाव या डेल्टा स्विचिंग भी कहल जाला।<ref>Marshak, Stephen (2001), Earth: Portrait of a Planet, New York: W.W. Norton & Company, ISBN 0-393-97423-5 pp. 528–9</ref>

नदी डेल्टा के एगो प्रकार [[डेल्टा#प्रकार|पंजाकर डेल्टा]] एही तरे बने ला जब नदी एगो रास्ता पर बहत आ अवसाद जमा करत समुन्द्र में दूर ले पहुँच जाले आ बीच में ई रास्ता छोड़ के दूसर रास्ता पर इहे काम शुरू हो जाला तब अइसन कई बेर में हो के नदी के डेल्टा के आकार चिरई के पंजा नियर हो जाला।

==संदर्भ==
{{Reflist}}

[[श्रेणी:भूआकृति बिज्ञान]]
[[श्रेणी:नदी]]

{{भूआकृति-आधार}}

धारा बदलाव - बदलाव इतिहास

ImportMaster: robot: Import pages using विशेष:आयात