ImportMaster: robot: Import pages using विशेष:आयात

2022-04-11T10:52:56Z

नया पन्ना

[[File:Jama Masjid, Delhi.jpg|thumb|alt=Jama Masjid|दिल्ली के जामा मस्जिद भारत के सभसे बड़ महजिद हवे]]
'''महजिद''' भा '''मस्जिद''' [[मुसलमान]] लोग के प्रार्थना के जगह हवे।

सुन्नी इस्लाम में बहुत कड़ेर बिधान बाटे कि कौनों जगह भा भवन के महजिद होखे खातिर कवन-कवन चीज जरूरी बा, अगर एह पैमाना पर ऊ जगह सही ना उतरे तब अइसन प्राथना-अस्थान के मुसल्ला कहल जाला। <ref name="qaSunniPathFiqhMasjid">{{cite web|url=http://qa.sunnipath.com/issue_view.asp?HD=1&ID=4347&CATE=4 |title=Fiqh of Masjid & Musalla |publisher=Qa.sunnipath.com |date=2005-07-03 |accessdate=2011-11-03|archiveurl=https://web.archive.org/web/20111019002051/http://qa.sunnipath.com/issue_view.asp?HD=1&ID=4347&CATE=4|archivedate=2011-10-19|url-status=dead}}</ref> अगर कवनो भवन भा जगह के महजिद के रूप में मान लिहल गइल होखे तब ओकरे इस्तेमाल खातिर भी साफ-साफ नियम बा आ ''शरीआ'' के मोताबिक जेकरा के एक बेर महजिद मान लिहल गइल होखे, दुनिया के अंत (कयामत) ले ऊ जगह महजिदे रही।<ref name="qaSunniPathFiqhMasjid"/>

बहुत सारा महजिद में बिसाल आ सुघर गुंबज आ मिनारा होखे लें आ भब्य भवन रचना होला, हालाँकि कुछ महजिद बहुत सहज रचना वाली भी बाड़ी। अरबी प्रायदीप में महजिद बने के सुरुआत भइल आ अब ई दुनिया के जयादातर आबाद हिस्सा में अस्थापित बाड़ी सऽ। महजिद के मुख्य मकसद इस्लाम में बर्णित प्रार्थना सलात (नमाज) खातिर ह, एकरे अलावा आम सामूहिक जानकारी, शिक्षा आ बिबाद निपटारा के जगह के रूप में भी एकर इस्तमाल हो सके ला।<ref>McLoughlin, S. 2005. "[http://dx.doi.org/10.1080/13691830500282832 Mosques and the Public Space: Conflict and Cooperation in Bradford]." ''Journal of Ethnic and Migration Studies'' 31(6): 1045–1066.</ref> प्रार्थना खातिर एकट्ठा लोग के नमाज पढ़ावे के काम करे वाला अगुआ के इमाम कहल जाला।

{{clear}}
==संदर्भ==
{{Reflist|35em}}

[[श्रेणी:मस्जिद| ]]
[[श्रेणी:इस्लाम]]
[[श्रेणी:धार्मिक बिल्डिंग]]
[[श्रेणी:धार्मिक अस्थान]]

{{धार्मिक-स्थल-आधार}}
{{islam-stub}}

महजिद - बदलाव इतिहास

ImportMaster: robot: Import pages using विशेष:आयात