ImportMaster: robot: Import pages using विशेष:आयात

2022-04-23T13:26:30Z

नया पन्ना

'''रोग''' भा '''बेमारी''' [[शरीर]] के कौनों छोट हिस्सा भा पूरा शरीर में, भौतिक बनावट भा शरीर के कामकाज के प्रक्रिया सभ में पैदा होखे वाला असामान्य स्थिति हवे (जवना में बाहरी चोट इत्यादि के ना सामिल कइल जाला) आ जेकरा कारण कुछ खास लच्छन भा परेशानी, शरीर के बिकास रुकल या अउरी तरह के समस्या पैदा हो सके ला। रोग या बेमारी असमय मौत के कारण भी बन सके ला। रोग, कौनों परानी (मनुष्य आ मनुष्य के अलावा कौनों जानवर) भा पेड़-पौधा सभ में भी हो सके ला।

आमतौर पर रोग आ [[सेहत]] दुनों एकही साथ परिभाषित कइल जालें, शारीर में रोग न रहे आ शरीर के सभ प्रक्रिया बढ़ियाँ से चलत रहे के स्थिति के सेहत भा स्वास्थ्य कहल जाला आ एकरे बिपरीत स्थिति के रोग के स्थिति कहल जाला। बेमारी भा रोग के खाती एगो अउरी शब्द अंगरेजी में इस्तेमाल होला - ''मेडिकल कंडीशन'' जे बेमारी के लक्षण पर निर्भर ब्याख्या हवे - शरीर में अइसन असामान्य दशा के लक्षण बाहरी चीजन (जइसे कौनों बैक्टीरिया, वाइरस इत्यादि, जिनहन के ''पैथोजेन'' कहल जाला आ एकरे अध्ययन के पैथोलॉजी कहल जाला) के कारण भी हो सके ला, शरीर के अंदरूनी रक्षातंत्र (इम्यून सिस्टम) के कमजोरी, या फिर बाहरी सामान्य चीजन के प्रति जरूरत से ज्यादा संबेदनशील होखे के कारण भी हो सके ला।

जेकरा कौनों रोग भइल होखे ओह ब्यक्ति के रोगी कहल जाला आ रोग के इलाज करे वाला के बैद, हकीम भा डाक्टर कहल जाला।

{{clear}}

[[श्रेणी:रोग| ]]
[[श्रेणी:सेहत]]

{{health-stub}}

रोग - बदलाव इतिहास

ImportMaster: robot: Import pages using विशेष:आयात