टेलीफोन
टेलीफोन, दूरसंचार के एगो उपकरण हऽ। दू गो या कबो-कबो अधिक लोगन के बीच बातचीत करे के काम आवेला, जब ऊ लोग अतना दूरी पर होखे कि सीधे बातचीत संभव न होखे। ई एगो अइसन यंत्र हवे जे मनुष्य के आवाज के इलेक्ट्रानिक सिग्नल में बदल देला आ ई सिग्नल केबिल (तार) के माध्यम से दुसरा जगह भेजल जाला, दुसरा माथ पर लागल टेलीफोन सिग्नल के वापस मनुष्य के आवाज में बदल के सुनावे ला।
1876 में, स्कॉटलैंड के प्रवासी बिग्यानी, जे ओह समय अमेरिका में रहत रहलें, पहिला अइसन उपकरण के पेटेंट करवलें जे मनुष्य के आवाज के ठीक-ठीक पहिचान में आवे लायक नकल सुना सकत रहे। बाद में अउरी बिग्यानी लोग एकरा सुधार में आपन योगदान कइल।