मोसाद
टेम्पलेट:Infobox government agency मोसाद (Mossad) इजराइल देस के नेशनल इंटेलिजेंस एजेंसी हवे। ई इजराइल के जासूसी संस्था सभ में से एक हवे जबकि दू गो अउरी अइसन एजेंसी बाड़ी: अमन (सेना के जासूसी एजंसी) आ शीन बेत (आतंरिक सुरक्षा संबंधी जासूसी एजेंसी)।
मोसाद के जिम्मेदारी इंटेलिजेंस (जासूसी के सूचना) एकट्ठा कइल, कॉवर्ट ऑपरेशन (छिपल अभियान) चलावल, आ काउंटर-टेररिज्म (आतंकवाद-बिरोधी) काम कइल हवे। एकर डाइरेक्टर सीधे आ खाली परधानमंत्री के रिपोट करे लें। एकर सालाना बजट के अनुमान (एस्टीमेट) लगभग 10 बिलियन शेकल (US$2.73 बिलियन) होखे के बाटे आ अइसन अनुमान लगावल जाला कि एह संस्था में कुल 7,000 लोग नियुक्त बाड़ें, एह तरीका से ई सभसे बड़हन जासूसी एजंसी बन जाले। अउरी इजराइली सुरक्षा एजेंसी सभ (जइसे कि इजराइली सेना या इजराइल सिक्योरिटी एजेंसी) के बिपरीत एकर मकसद, लक्ष्य, रोल, मिशन पावर चाहे बजट इत्यादि कुछऊ कौनों कानून के तहत परिभाषित नइखे।