धर्मवीर भारती

धर्मवीर भारती (25 दिसंबर 1926 – 4 सितंबर 1997) हिंदी भाषा के जानल-मानल कवी, उपन्यासकार, नाटककार आ सामाजिक चिंतक रहलें। भारती पापुलर हिंदी पत्रिका धर्मयुग के मुख्य संपादक रहलें, एह पद पर 1960 से 1997 में अपने निधन तक काम कइलें।

भारती के भारत सरकार द्वारा 1972 में साहित्य खातिर पद्मश्री से सम्मानित कइल गइल। इनकर लिखल उपन्यास गुनाहों का देवता हिंदी साहित्य में एगो क्लासिक बन गइल। एगो अउरी उपन्यास सूरज का सातवाँ घोड़ा अपना कहानी कहे के शैली खाती अनोखे मानल जाला आ एह पर श्याम बेनेगल एही नाँव से 1992 में फिलिम बनवलें जेकरा के नेशनल फिल्म फेयर पुरस्कार मिलल। अंधा युग एगो नाटक हवे जेह में महाभारत के जुद्ध के ठीक बाद के कहानी के आधार बना के लिखल गइल हवे जेकरा के अब्बो नाटक मंडली सभ द्वारा खेलल जाला।

साल 1988 इनके संगीत नाटक अकादमी द्वारा सम्मानित कइल गइल, ई संगीत, डांस आ ड्रामा के भारत के राष्ट्रीय संस्था हवे।