गरीबी
गरीबी (निर्धनता, दरिद्रता) अभाव के स्थिति ह जब केहू के लगे भौतिक साधन भा धन के कमी होखे। पूर्ण गरीबी के स्थिति अइसन होले जेह में ब्यक्ति के आपन जीवन के मूलभूत जरूरत खाना, कपड़ा आ मकान तक के अभाव होखे।
एकरे अलावा, गरीबी कई पहलू से देखल जा सके ला आ सामाजिक, आर्थिक आ राजनीतिक तत्व शामिल होलें। पूर्ण गरीबी भा अति गरीबी के अलावा सापेक्ष गरीबी हो सके ला जेह में कौनों देस भा क्षेत्र बिसेस में रहे वाला लोग एगो निश्चित जीवन स्तर जिए में असमर्थ होखे गरीब कहाला। उदाहरण खाती भारत में गरीबी रेखा के कांसेप्ट तय कइल गइल बा आ गरीबी रेखा से नीचे के लोग के गरीब मानल जाला।