गरभ

गरभ (टेम्पलेट:Lang-en; हिंदी: गर्भ) चाहे गर्भाशय (टेम्पलेट:Lang-en) या फिर कोख मादा शरीर के ऊ हिस्सा हवे जहाँ पैदा होखे से पहिले संतान अपना गरभावस्था में रहे ला आ दिन पूरा होखे के बाद जचगी (पैदाइश) के समय बहरें निकले ला। मनुष्य में, ई मादा जननांग के मुख्य हिस्सा हवे आ अंदरूनी अंग हऽ जे पेट के निचला हिस्सा (पेडू) में होला आ एकर बाहरी माथ (सर्विक्स) के साथे योनी के नली जुड़ल होखे ले। एकरे ऊपरी आ अंदरूनी हिस्सा में दुनों साइड में गरभनली होखे लीं जे अंडाशय से जुड़ल होखे लीं आ हर महीना अंडाशय से अंड निकल के मुख्य हिस्सा में आ जाला, अगर एह दौरान पुरुष के बीज से संपर्क होखे तभ गरभ रह जाला आ अइसन ना होखे तब एही गर्भाशय के देवाल के एगो परत आ अंडा इत्यादि सभ महिनवारी के रूप में बाहर निकल जाला।

सहज भाषा में एकरा के गरभ, गर्भ भा कोख कहल जाला जबकि तकनीकी बिग्यानी शब्दावली में गर्भाशय के नाँव से जानल जाला। अंगरेजी में आम चलन के नाँव वूम्ब हवे आ तकनीकी नाँव यूट्रस।