कोइलीदार फर
कोइलीदार फर सभ अइसन फर होलें जिनहन के गुद्दा के बीच में एक ठो कड़ेर खोल में एकर बीया सुरक्षित रहे ला। बीच वाला एही कड़ेरका हिस्सा के कोइली भा गुठली कहल जाला। एकर सभसे नीक उदाहरन आम के फल बाटे। आम के अलावा अउरी कई तरह के फल सभ कोइली दार फर के श्रेणी में आवे लें, उदाहरन खातिर कॉफ़ी, जुजुबे, आ नारियल बर्ग के सगरी फेड़, (जइसे नारियल, खजूर, छोहारा) आडू, ऑलिव, बादाम इत्यादि।
एकरे अलावा इनहन में कई ठो अइसन फर भी होलें जिनहन में एक्के साथ कई ठे कोइली आ गुद्दा वाली इकाई सभ आपस में चपकल रहे लीं आ एक ठो फल के रूप में लउके लीं। उदाहरण खातिर तूत या काली मरिच के फल (नीचे चित्र देखीं) में एक साथ ढेर सारा बहुत नक्खी-नक्खी कोइली वाला फल के लड़ी नियर होला। अइसन लड़ी सभ के एक ठो इकाई के अंगरेजी में ड्रुपलेट कहल जाला।
गैलरी[संपादन करीं | स्रोत संपादित करीं]
-
किसिम-किसिम के कोइली वाला फर
-
आडू, सभसे टिपिकल उदाहरण
-
आडू के एक ठो प्रजाति के कोइली
-
तूत (शहतूत) के फर में कइयन ठे ड्रुपलेट
-
पाकल कसइली (कोइली एकरे अंदर होले)
_fruits.jpg){kind=link}
