रिहाना
रोबिन रिहाना फेंटी (जनम: 20 फरवरी 1988) एगो बारबाडोस के गवइया, अभीनेत्रि आ बेआपरी हई। ई बारबाडोस के सेंट मिचेल नगर मे जनमली आ ब्रीजटाउन नगर मे पोसइली। बारबाडोस मे हिनकरा अमेरिका के प्रोड्यूसर इवान रोजर्स देखलें आ अमेरिका बोलवलें। 2005 मे म्यूजिक ऑफ़ द सन (माने: सूरूज के संगीत) आ 2006 मे ए गर्ल लाइक मी (माने: हमरा लेखा एगो लइकी) नांव के एलबम अईला के बाद ई परसिध भईली।
रिहाना के तीसरका एलबम गुड गर्ल गौन बैड (2007) बहुत परसिद्ध भईल आ संगीत के दुनिया मे इनकर छबी एगो यौन प्रतीक के रूप में स्थापित कई दिहलस। इनकर अंब्रेला गाना के ग्रैमी अवार्ड मिलल आ दुनिया भ मे इनकर नांव भईल। ई आपन अगिला स्टूडियो एल्बम, रेटेड आर (2009), लाउड (2010), टॉक दैट टॉक (2011), आ अनपॉलगेटिक (2012) मे पॉप, डांस, आ आर एंड बी शैलियन के फेंटत रहली।