आगरा फोर्ट रेलवे स्टेशन

टेम्पलेट:Infobox station आगरा फोर्ट रेलवे स्टेशन, आगरा फोर्ट की पास रावतपारा, आगरा में स्थित बा। इ भारत कि कईगो ओ स्टेशन में से एगो रहे जवने प दुनुं, ब्रॉड गेज आ मीटर गेज लाइन रहली स, तबले जबले की जयपुर खातिर जवन लाइन रहे ओके ब्रॉड गेज में परिवर्तित नाहीं करा गईल। आगरा फोर्ट रेलवे स्टेशन उत्तर मध्य रेलवे की अंतर्गत आवेला।

अवलोकन

आगरा, जवन की मुगलन क 16वीं-17वीं सदी क राजधानी ह, इ ताजमहल और आगरा क किला जइसन विशेष स्मारकन क जन्मस्थली ह। ताजमहल 2-4 लाख पर्यटक प्रतिवर्ष आकर्षित करेला। करीब 200,000 विदेशी पर्यटक एकर यात्रा कईले बान स।

इतिहास

1,000 मिमी (3 फुट 3 3/8 इंच) चौड़ा मीटर गेज दिल्ली-बांदीकुई और बांदीकुई-आगरा राजपूताना स्टेट रेलवे क लाइन 1874 में खुलली स। आगरा-जयपुर लाइन 2005 में 1,676 मिमी (5 फीट 6 इंच) ब्रॉड गेज में परिवर्तित करा गईल।

जामा मस्जिद और आगरा फोर्ट की दिल्ली गेट के बीच एगो विशाल अष्टकोणीय त्रिपोलिया चौक रहे, ए त्रिपोलिया के आगरा फोर्ट स्टेशन बनावे खातिर नष्ट करा गईल, इ रेलवे स्टेशन आगरा क पहिला रेलवे स्टेशन और भारत की सबसे पुराना रेलवे स्टेशनन में से एगो रहे।

विद्युतीकरण

फरीदाबाद-मथुरा-आगरा खंड क 1982-85 में विद्युतीकरण, टुंडला-यमुना ब्रिज 1988-89 में, और 1990-91 में यमुना पुल-आगरा क विद्युतीकरण भइल।

यात्री

आगरा फोर्ट रेलवे स्टेशन 87,000 यात्रियन के हर दिन सेवा देला।

उपलब्ध सुविधा

आगरा फोर्ट रेलवे स्टेशन प टेलीफोन बूथ, प्रतीक्षा कक्ष, रिटायरिंग रूम, रिफ्रेशमेंट रूम, वाटर कूलर और पुस्तक स्टाल क सुविधा बा।