ओजार्क (टीवी सीरीज)

ओजार्क एगो अमेरिकी अपराध ड्रामा टीवी सीरीज बाटे जे बिल डुबुक आ मार्क विलियम्स के बनावल बा आ नेटफ्लिक्स खातिर एकर प्रोडक्शन एमआरसी द्वारा कइल गइल बाटे। सीरीज में जेसन बैटमैन आ लौरा लिने मार्टी बर्ड आ वेंडी बर्ड के मुख्य भूमिका में बाटे; एगो शादीशुदा जोड़ा जे अपना परिवार के साथे दि ओजार्क लेक्स जाला लोग, काला धन के सफेद करे खातिर। बैटमैन एह सीरीज में डाइरेक्टर आ एक्जीक्यूटिव प्रोड्यूसर के काम भी कइले बाड़ें। एकर पहिला सीजन 21 जुलाई 2017 के रिलीज भइल रहल, दुसरा सीजन 31 अगस्त 2018 के आ तिसरा सीजन 27 मार्च 2020 के रिलीज भइल। सभसे हालिया, चउथा आ अंतिम सीजन के पार्ट 1 21 जनवरी 2022 के रिलीज भइल आ पार्ट 2 अभी 2022 में बाद में रिलीज होखी।