जे. के. रोलिंग

टेम्पलेट:Infobox writer जोन रोलिंग (Joanne Rowling; जनम 31 जुलाई 1965) जे जे॰ के॰ रोलिंग आ रॉबर्ट गालब्रेथ नाँव से लेखन के काम करे ली, एगो ब्रिटिश लेखिका बाड़ी। लेखिका के अलावा ई मानवप्रेमी, फिलिम आ टीवी प्रोड्यूसर, आ स्क्रीनलेखिका बाड़ी आ इनके सभसे ढेर परसिद्धि हैरी पॉटर सीरीज के लिखे खातिर बा। इनके लिखल एह सीरीज के बहुत सारा किताब बिका चुकल बाड़ी आ ई सीरीज इतिहास के सभसे ढेर बिकाए वाली सीरीज बा। एह किताबन के कहानी पे फिलिम भी बनावल गइल बा आ इनहन के स्क्रीन अप्रूवल रोलिंग के लगे बा आ अंतिम फिलिम सभ के प्रोड्यूसर भी ई खुद रहली।

रोलिंग के जनम इंग्लैंड के ग्लूशेस्टरशायर के येट में भइल आ ई एम्नेस्टी इंटरनेशनल खातिर रिसर्चर आ दुभाषिया सेक्रेटरी के काम करत रहली जब 1990 में इनके मन में हैरी पॉटर के सीरीज के कल्पना उपजल जब ई एगो लेट चल रहल ट्रेन में मानचेस्टर से लंदन जा रहल रहली। एकरे बाद के सात साल में इनके महतारी के मौत भइल, पहिला संतान पैदा भइल आ पहिला पति से तलाक भइल आ गरीबी के दिन देखे के पड़ल, साल 1997 में हैरी पॉटर सीरीज के पहिला किताब हैरी पॉटर एंड दि फिलॉसफर्स स्टोन छपल। एकरा बाद छह गो सीक्वल छपलें जिनहन में आखिरी हैरी पॉटर एंड दि डेथली हालोज 2007 में छपल। ई पूरा सीरीज लइकन खातिर लिखल रहल। एकरे अलावा बड़ लोग खाती भी इनके चार गो किताब बाड़ी सऽ।