टिक टॉक

टेम्पलेट:Infobox software टिक टॉक (टेम्पलेट:Lang-en) एगो आइओएस (iOS) आ एंड्राइड आधारित सोशल मीडिया एप बा जे छोटहन बीडियो बनावे आ साझा करे खातिर बाटे। एकरा जरिये लिप-सिंक, कॉमेडी आ टैलेंट बीडियो बना के शेयर कइल जा सके ला। एकरा के पहिली बेर 2017 में बाइटडांस (ByteDance) कंपनी द्वारा चीन से बाहर के बजार खातिर लांच कइल गइल। इहे कंपनी एकरे पहिले सितंबर 2016 में चीनी बजार खातिर डोयिन (Douyin) लांच कइले रहल। दुनों में कौनों अंतर नइखे बालुक ई खाली भर अलगा-अलगा सर्वर पर चले ले जवना से कि चीन सरकार के सेंसर से बच सके। ई एप 3 से 15 सेकेंड के बीडियो बना के इंटरनेट पर अपलोड करे ला। आ 3 से 60 सेकेंड के लूपिंग (बेर-बेर दोहराव के साथे चले वाला) बीडियो भी साझा कइ सके ला। ई एप्लिकेशन एशिया, यूनाइटेड स्टेट्स आ दुनिया के अउरी देसन में बहुत पापुलर बा। टिकटॉक चीन में नइखे उपलब्ध जबकि एकर सर्वर ओह देसन में बाड़ें जहाँ ई चले ला।