देवरिया

टेम्पलेट:Infobox settlement देवरिया (टेम्पलेट:Lang-en) भारत के उत्तर प्रदेश राज्य में एक ठो शहर बा। ई शहर एही नाँव के जिला, देवरिया जिला के मुख्यालय हवे।

नाँव

देवरिया शब्द के उत्पत्ती के बारे में कई मत बा। जिला के वेबसाइट पर उपलब्ध बिबरन के मोताबिक ई "देवारण्य" चाहे "देवपुरिया" से निकलल हो सके ला; इहो मानल जाला कि देउरिया के अरथ देवता के अस्थान होला।

भूगोल

शहर मैदानी इलाका में बसल हवे, ई मैदान उत्तरी भारत के मैदान के हिस्सा हवे। शहर के लगे से कुर्ना नदी नाँव के एगो बहुत छोट नदी बहे ले जबकि छोटी गंडक नदी एह शहर के पूरुब ओर से हो के बहे ले। इलाका के मुख्य नदी सरजू नदी (घाघरा नदी) हवे जे एह शहर से कुछ दूरी पर दक्खिन ओर बाटे।

एह इलाका के मुख्य शहर गोरखपुर हवे जे देवरिया से 53 किलोमीटर के दूरी पर उत्तर पच्छिम में बाटे।

जनसांख्यिकी

साल 2011 के जनगणना अनुसार देवरिया के कुल शहरी जनसंख्या 129479 बाटे आ आसपास के उपशहरी इलाका के मिला लिहल जाय तब कुल जनसंख्या 129479 बा। जनसंख्या के हिसाब से ई भारत के 361वाँ शहर बाटे। जनगणना आँकड़ा के मोताबिक एह शहर में लिंगानुपात 919 आ साक्षरता के दर 86.8% बाटे।

इहो देखल जाय

• भारत के शहर