बाइबिल
बाइबिल (अंगरेजी: Bible, अर्थ: "किताब") पबित्र ग्रंथ हवे जेकरा के ईसाई आ यहूदी लोग अध्यात्मिक चीज माने ला आ एह में लिखल चीज के ईश्वर के संदेस मान के मनुष्य आ ईश्वर के बीच संबंध स्थापित करे वाला कड़ी के रूप में देखे ला। ईसाई धर्म के बाइबिल के दू हिस्सा, ओल्ड टेस्टामेंट आ न्यू टेस्टामेंट में से पुरनका, मने कि ओल्ड टेस्टामेंट के काफी सारा पाठ यहूदी लोग के बाइबिल के पाठ में भी मिले ला। न्यू टेस्टामेंट बाद के संकलन हवे जे ईसा मसीह के ईसाई चेला लोग द्वारा संकलित कइल गइल हवे।