सापेक्षता के सिद्धांत

सापेक्षता के सिद्धांत आइंस्टीन के दिहल दुगो सिद्धांत: बिशेस सापेक्षता आ सधारन सापेक्षता के एक्के जोरे कहल जाला। बिशेस सापेक्षता मौलिक कन जोरे लागेला आ गुरुत्वाकर्षण के छोड़ के सभ घटना के बायाख्या कई दिहेला। सधारन सापेक्षता खगोलीय कण जोरे लागेला जेहमे गरह, तरई आ सूरूज आवेला।

ई सिद्धांत बिसे बरिस मे २०० बरिस पुरान भौतिक शास्त्र के बदल दिहलस। ई काल-अवकाश के बात कइलस आ भौतिक के क्षेत्र में मौलिक कन के बिज्ञान के सुधार दिहलस।

बिकास आउर स्वीकृति

अल्बर्ट आइंस्टीन १९०५ में बिशेस सापेक्षता परकासित कइलें जेहमे कय गो सैद्धांतिक खोज आ अल्बर्ट अब्राहम मइकेलसन, हेंड्रिक लोरेंज, हेनरी प्वाइंकेयर आ बाकी सभ के प्रयोग सिद्ध खोज रहे। हेकरा प आगे के काज मैक्स प्लैंक आ हर्मन मिंकोवस्की कईलें।