एनडीटीवी इंडिया

टेम्पलेट:Infobox TV channel एनडीटीवी इंडिया (NDTV India) एक ठो भारतीय हिंदी समाचार चैनल बा जे एनडीटीवी द्वारा संचालित कइल जाला। मशहूर पत्रकार बिनोद दुआ आ रवीश कुमार के नाँव एह चैनल से जुड़ल बा। जून 2016 में एनडीटीवी द्वारा यूनाइटेड किंगडम में दू गो चैनल सुरू करे के फैसला लिहल गइल - एनडीटीवी इंडिया आ एनडीटीवी स्पाइस।

इतिहास

एनडीटीवी के सुरुआत प्रणब रॉय आ राधिका रॉय द्वारा एक ठो समाचार उत्पादक के रूप में भइल। 1988 में एनडीटीवी द्वारा दूरदर्शन खातिर एक ठो प्रोग्राम "दि वल्ड दिस वीक" के निर्माण कइल गइल आ इ बहुत सफल भइल। एकरा बाद ई एक ठो प्राइवेट समाचार उत्पादक के रूप में स्थापित हो गइल।

सन 2003 में ई एक ठो नया 24x7 समाचार चैनल एनडीटीवी, अंगरेजी में, सुरु कइलस आ अइसने चैनल हिंदी में।

पठानकोट हमला पर रिपोर्टिंग

2016 में भइल पठानकोट हमला के रिपोर्टिंग के ले के एनडीटीवी के सूचना प्रसारण मंत्रालय द्वारा कारण बताओ नोटिस जारी कइल गइल। एही में ई कहल गइल कि टीवी चैनल द्वारा स्ट्रेटेजिक रूप से सम्बेदनशील जानकारी के प्रसारण कइल गइल, आ एकरा खातिर 9 नवंबर के एक दिन खातिर चैनल के ऑफ एयर (एक दिन खातिर प्रसारण पर रोक) कइल जाई।