जोग झरना

जोग झरना, जेकरा के गेरसोप्पा झरना के नाँव से भी जानल जाला, कर्नाटक के शिमोगा जिला में शरावती नदी पर एगो झरना बाटे। झरना के ऊँचाई टेम्पलेट:Convert बाटे आ ई मेघालय के नोहकलिकाई आ गोवा के दूधसागर झरना के बाद भारत के तिसरा सभसे ऊँच झरना हवे। पर्यटक आकर्षण के ई प्रमुख केंद्र हवे आ एकरे परसिद्धि के हिसाब से ई दुनिया के 13वाँ सभसे महत्व के पर्यटन आकर्षण वाला झरना के रूप में वल्डवाटरफाल डेटाबेस में दर्ज बाटे।

ई कई धार में बहे वाला झरना हवे हालाँकि, तेज बरखा के सीजन में ई सभ मिल के एक्के हो जालें।

इहाँ पहुँचे खातिर सभसे नगीचे के रेलवे इस्टेशन ताल्गुप्पा (13 किमी) आ सागरा (30 किमी) बाड़ें। सागरा इहाँ के तालुका (तहसील) के मुख्यालय हवे। एह झरना के लगे बिजली पैदा करे खातिर इस्टेशन बनावल गइल बाटे।

इहो देखल जाय

• कुंचिकल झरना, शिमोगा जिला में वाराही नदी पर एगो झरना।
• अगुंबे घाट, दक्खिन भारत के चेरापूँजी के नाँव से बिख्यात एगो दर्रा।