फ्लिक (समय)

फ्लिक (Flick) हाल में परिभाषित कइल गइल, समय के एगो इकाई बा जे एक सेकेंड के लगभग सत्तर करोड़वाँ हिस्सा (1/705,600,000) बा। एकर घोषणा फेसबुक द्वारा कइल गइल आ ई बीडियो आ एनीमेशन में कामे आई। फ्लिक शब्द फ्रेम आ टिक के मिला के बनावल गइल बा।

बतावल जा रहल बा कि बीडियो आ एनीमेशन सभ के फ्रेम सभ के स्पीड के गिनती में जब गुणा-भाग इंटीजर (पूरा अंक) में न हो के भिन्न में होखे ला तब एरर सभ कुछ समय बाद एकट्ठा होखत-होखत अतना हो जालें कि देखे वाला के नोटिस में आवे लागे लें। एह इकाई के प्रयोग से एह समस्या के मुक्ती मिल जाई।